အလောင်းတော် ကဿပ လှိုဏ်ဂူ အတွင်း ဝင်နိုင်ခဲ့သူ

၁ . အလောင်းတော် ကဿပ လှိုဏ်ဂူ အတွင်း ဝင်နိုင်ခဲ့သူ

အမရပူရမြို့ သတ္တမမြောက် ကျော်အောင်စံထား ဆရာတော် အရှင် ဝါယမာဘိဝံသ သည် ၁၃၁၆ ခု တပို့တွဲ လဆန်း ၁ ရက်နေ့တွင် အလောင်းတော် ကဿပ လှိုဏ်ဂူရှိရာသို့ စတင် ခရီးထွက်လာ၏။ 
သက်တော် ၃၁ နှစ်။

ကပိုင်မှ တစ်ဆင့် တောကြီး အတွင်းသို့ခြေလျှင် ကြွခဲ့၏။ ချောင်းမကြီးကို ဖြတ်ကျော်ပြီး လူသွားလမ်းလေး အတိုင်းလာခဲ့ရာ သစ်ပင်ကွယ်မှ ခွေးတစ်ကောင် ထွက်လာပြီး ရှေ့တည့်တည့်မှ လမ်းပြသွား၏ ။နောက်ကျနေလျှင် စောင့်၏။ ကြေးစည်သံ ကြားရ၍ ဘုရား အာရုံရောက်၏။ ရဟန္တာ အရှင်မြတ်ကြီး ပရိနိဗ္ဗာန်ပြု
 နေပုံ အာရုံတွင် ဖူးရ၏။

ထိုနေရာမှ အောက် လှိုဏ်ဂူသို့ ကျောက်တုံးများ နင်းပြီး ဆင်းလာခဲ့၏။ မှောင်နေ၍ စမ်းတစ်ဝါးဝါးဖြင့်သာ။ အောက်သို့ရောက်လျင် လှိုဏ်ဂူဝကို ကျောက်တုံးကြီး တစ်ခုက လျှာထိုးသကဲ့သို့ ပိတ်နေ၏ ။ ရေစီးကြောင်း တစ်ခုက ကျောက်တုံးကြီး အောက်ခြေအတွင်း စီးဝင်သွားပြီး တစ်ဖက်မှ ပြန်ထွက် လာ၏။

ထိုရေစီးကြောင်းများ ကြားတွင် ရေသနုပ် သင်းပိုင် ကို ခင်းပြီး ရှိခိုး၏။ အမျှဝေ၏။ အလင်းတိုင် ၃ တိုင် မီးပူဇော်၏ ။ သစ္စာပြု၍ ပုတီး ၂ ပတ် စိပ်၏ ။ ဂူအပေါက်က လှုပ်နေ၏ ။ ဆောင်းတွင်းဖြစ်သော်လည်း ဂူတွင် နွေးနေ၏ ။ခရီးပန်းလာ၍ ခေတ္တ အိပ်လိုက်၏။ နိုးလာ သောအခါ ည ၁၂ နာရီ ရှိနေ၏။၊ 

" သုဂတော ငါးချက် ဂါထာ ကို ယနေ့မှ ၄၅ ရက် အတွင်း ပတ်ရေ ကိုးထောင် ပြည့်အောင် စိပ်ပါမည်ဟု သစ္စာ အဓိဋ္ဌာန်ပြု ၏ ။ မှန်ကန်သော သစ္စာ စကားဖြစ်ပါက ၇ ရက် အတွင်း ဂူ ပွင့်၍ အထဲဝင်ပြီး ပုတီး စိပ်နိုင်ပါစေသား ဟု ပဋ္ဌာနပြုလိုက်၏။ ထိုအခါဂူကြီး တစ်ဖြစ်ဖြစ် မြည်သွားလေ၏ ။

ဂူအမိုးက ကျောက်စက်ရေများ ကျနေ၏။ လင်းနို့ချေး နံ့ ဆိုးရွား လှ၏။ သန်းခေါင်ကျော်၌ အေးစိမ့်လာ၏ ။ နှစ်ထပ် သင်္ခန်းကြီး ခြုံ ထားသဖြင့် ခံနိုင်သေး၏ ။ပုတီး ၆ ပါတ်စိတ်အပြီး ဂူအဝတွင် လမ်းလျှောက်၍ စိပ်၏ ။ဖယောင်းတိုင် ထွန်းထာ၍ မြင်ရ၏ ။ ကျား ဟိန်းသံများ မြွေတွန်သံများ ပီပီသသ ကြားရ၏ ။

ခန္ဓာကိုယ်ကို ဘုရားလှူ ထားပြီ ဖြစ်၍သေရုံအပြင် မပိုနိုင်ဟု စိတ်တင်းထားပြီး ပုတီးကိုသာ တွင်တွင်စိတ် ၏ ။ ပုတီး ၁၀ ပါတ် ရသောအခါ မေတ္တာပို့ အမျှဝေ လိုက်၏ ။သာဓု ခေါ်သံများ တောတောင် တစ်ခုလုံး ဆူညံစွာ ကြားရ၏ ။ ပတ်ဝန်းကျင်မှာ နတ်တွေ ရှိသားပဲဟု အားတက်လာ၏။ နံနက် လေးနာရီတွင်
သုဂတော ၅ ချက် ထပ်မံ စိတ်ပြန်၏ ။ နံနက်လင်းသော် မေတ္တာပို့ အမျှဝေ၏။

မျက်နှာသစ်ပြီ်း စားစရာ ရှုာ ရ၏ ။ ဂူအထက် မြောက်ဘက်သို့သွားသော် ငှက်ပျော တောကြီး တွေ့ရ၏ ။ 
ငှက်ပျောသီးမှည့် ၂ ဖီး ခူးလာ၏ ။ ရေဆေးပြီး ဆွမ်းတော်ကပ်၍ ၃ လုံး စားလိုက်၏။ စားပြီးလျှင် ရေချိုးသင်းပိုင်နေလှန်း ဧကသီကို တစ်ပိုင်းဝတ် တစ်ပိုင်းခြုံပြီး နေပူဇာ လှုံရင်း ပုတီးစိတ်၏ ။ 

ည ၁၂ နာရီ ထိုးသောအခါ ပုတီး အပါတ်ရေ ပေါင်း ၃၆ ပါတ်ရ၏ ။ မေတ္တာပို့ အမျှဝေပြီး အိပ်လိုက်၏။ တစ်ချက်ခွဲသော် နိုးလာပြီး ပုတီး ဆက်စိပ်၏ ။ ၃ ပါတ်လောက် ရောက်သောအခါ နောက် ကျောကို တွန်းလိုက်သလို ခံစားရပြီး ရှေ့စိုက်သွား၏။ နဖူးနှင့် မြေ မထိအောင် ထိန်းထားရ၏။ လှည့်ကြည့်ချင်သော်လည်း ဓိဋ္ဌာန် ထားသောကြောင့် သည်းခံလိုက်ရ၏။ ဆက်စိပ်၏။ ခင်းထိုင်ထားသော သင်းပိုင်နှင့် အတူ လူပါကြွတက်လာပြီး အထက်မြောက်နေသည်ဟု ထင်ရ၏ ။

ပုတီးပါတ်ရေ မပျက်အောင် အတော် သတိထားရ၏ ။ တစ်ဖန် ရေသနုပ် သင်းပိုင်က ပူလာ၏ ။ ထိုင်ခွင် ဖျက် ချင် လောက်အောင် ပူလာသော်လည်း ဆက်စိပ်၏ ။ ၉ ပါတ်ရ၍ အဓိဋ္ဌာန်ချပြီး မေတ္တာပို့ အမျှဝေလိုက်ရာ ယက်ဟက်ပက်ပက် ရယ်သံများ ကြားရ၏ ။


၃ နာရီ ထိုးခါနီးပြီ ။ ဆက်ပြီး ၉ ပါတ်စိပ်၏ ။ ၃ ပါတ်လောက် ရောက်သောအခါ ရှေ့တည့်တည့်က ဝင်းကနြဲ ဖစ်သွား၏။ မျက်လုံး ဖွင့်ကြည့်မိ၏။ ဝင်းလက်တောက်ပပြီး နွားမျက်လုံးလောက် မျက်လုံးနှစ်လုံး ကိုတွေ့ရ ၏ ။ စူးရှသော အလင်းရောင်ကြောင့် မျက်လုံး ဖွင့်လိုက် ပိတ်လိုက် လုပ်ပြီးစိတ်ရ၏ ။ အလင်းရောင်က ရှေ့ တိုးလာလိုက် နောက်ဆုတ်လိုက်ဖြင့် များစွာနှောင့်ယှက်နေ၏။ ဖြစ်ချင်ရာဖြစ် ပုတီးတော့ အပျက်မခံနိုင်ဆိုပြီး အထူးဂရုစိုက် စိပ်နေ၏ ။

ပုတီး ၉ ပါတ်ပြည့်သောအခါ ထိုင်ခွင်ဖြုတ်၍ ကျောချ အညောင်း ဆန့်မိ၏ ။ ပက်လက် စောင်းလျှက် ဘာမှမဖြစ်။ မှောက်လိုက် သောအခါ ကျောပေါ် ခွစီးထားသလိုဖြစ်ပြီး မထနိုင်တော့ချေ ။ ပုတီးဆက်စိပ်နေ၏ ။ပုတီး ၃ ပါတ်ရသောအခါ တစ်ကိုယ်လုံး ပေါ့ပါး သွား၏။ အာရုံ လာခါနီးတွင် ပုတီး ဆက်စိပ်၏။ မောသလိုဖြစ်လာသော်လည်း ဆက်စိပ်၏ ။

၆ ပါတ်ခန် ရနေချိန်တွင် လူဘယ်လိုဖြစ်သွားမှန်း မသိ။ ကိုယ်တော် ထ ထ ဟု အသံကြားရ၍ ကြည့်လိုက် သောအခါ ဘုန်းတော်ကြီး တစ်ပါးက ကျွနုပ် ခေါင်း လက် ရင်ဘတ် တို့ကို ဆေးလူး ပေးနေသည်ကို တွေ့ ရ၏ ။ " ဘာဖြစ်လို့ပါလဲ ဘုရား ဟု မေးလိုက် သောအခါ " ဒီ အလောင်းတော် ကဿပ တောစိုး နတ် က ကောင်း တာ ကျင့် နေတာကို မကြိုက် ။ အရက်သောက် ၊ ကာမ အကြောင်း ပြောသူတွေမှ သဘောကျတာ။ 

ကိုယ်တော်လေးက မေတ္တာပို့ ။ အမျှဝေ။ နတ်များက မေတ္တာခံယူကြ ဖူးမျော်ကြတော့ သုတို့မနေနိုင်ဘူး ။ နတ်များ ရှင်းတဲ့အခိုက် မူးမေ့ ထုံထိုင်းစေတဲ့ အသီးများကို လေ အထက်က အခိုးလွှတ်ပြီး မူးမေ့စေတယ်။ တပည့်တော်သိလို့သာပေါ့။ နို့မို့ မလွယ်ဘူး ။ မှတ် လောက်သားလောက်အောင် ဆုံးမရမယ် ဟုပြော၏။

ဘယ်ကကြွလာကြောင်း မေးလျောက်ရာမြောက်ဘက် မိုင် ၃၀ လောက်ဝေးတဲ့ တောမှာ သီတင်းသုံးတဲ့ မဟာမြိုင် ဆရာတော် ဖြစ်ကြောင်သိရ၏ ။ ပဉ္ဇင်းလေး အဓိဋ္ဌာန်ကြောင့် မနက်ဖြန် အာရုဏ်တက်လောက်မှာ ဂူပေါက်ပွင့် လိမ့်မယ် ။ နမက္ကာရ ထဲက...

" တဟိံ တဟိံ ပါရမီ သဉ္စရံ စရံ ၊ သဗ္ဗိသုခ ပဒံ ပဒံ ၊
နရာ နရာနံ သုခံ သမ္ဘဝံ ဘဝံ ၊ နမော နမာနံ ဇိန ပုံဂံ ဂဝံ "

ဂါထာ ကို ဂူပေါက်မှာ ထိုင်ပြီး ၉ ပါတ် စိပ်ပါ။ ပြီးမှ အဓိဋ္ဌာန် ပုတီး ဆက်စိပ်ရန် မှာ၏ ။ ည ၁၁ နာရီ ထိုးခါနီးတွင် ပြန် ကြွသွား၏။ ရှေ့မှာတင် ပျောက် သွား၏ ။ အံ့သြနေမိ၏။

ငှက်ပျောသီး ၂ လုံးစား၏ ရေသောက်ပြီး ရေချိုးလိုက်၏ ။ တောစိုးနတ်ကြီးကို ကျေးဇူးတင်မိ၏ ။ သူ့ကြောင့်သာ မဟာမြိုင် ကိုယ်တော်ကြီးနဲ့တွေ့ရ၏ ။ ကျေးဇူးတင်မဆုံး ဖြစ်မိ၏ ။

ဂူဝရှေ့ တွင် သုဂတော ၅ ချက် ၁၂ ပါတ်စိပ်၏ ။ (တဟိံ တဟိံ) ၉ ပါတ် စိပ်၏ ။ ညနေပိုင်းတွင် ထိုင်လျှက် ထလျှက် ပုတီးစိပ်၏။ ၁၅ ပါတ်ရ၏ ။ ညပိုင်းတွင် ဖယောင်းတိုင် ထွန်း၏ ။

နောက်နေ့ နံနက် ဂူပေါက်မှာ ( တဟိံတဟိံ) ပုတီး ၉ပါတ် စိပ်၏ ။ ပြီးလျှင် သုဂတော ၅ ချက် ဆက်စိပ်၏။အာရုံ ထဲတွင် ဘုရားလေးဆူ ဝန်းရံနေပုံ ဖူးရ၏ ။ သုဂတော ၁၈ ပါတ် အပြီး ဂူပေါက်ဝမှ လျှပ်စီး လက်သလို ဝင်းခနဲ ဖြစ်သွား၍ ကျွန်ုပ် နောက်လန်သွား၏ ။

ည ပိုင်းတွင် ပုတီး ၉ ပါတ်ရ၏ ။ ဂူထိပ်က မြွေဆင်းလာသကဲ့သို့ တစ်ဝေါဝေါ အသံကြားရ၏။ ၅၅၅ဋ္ဌ ။
တောင်ထိပ်က ဇရပ်ပြိုလဲ သကဲ့သို့ကြားရ၏။ နောက်ကလဲ လူလျှေက်နေသကဲ့သို့ ထင်ရ၏ ။ ပုတီး ဆက်စိပ်နေ၏ ။ ပုတီးပတ် ၁၅ ပါတ်ပြီ်သောအခါ နံနက် ၄ နာရီ ခန့် ရှိနေ၏။ 

ထိုအခိုက် လေတိုက်လာ၍ ဖယောင်းတိုင် ငြိမ်းသွား၏ "ဂျိန်း ဂျိန်း မည်သံကြား၍ ကြည့်လိုက်သော်အခါ ၁၀ လက်မခန့် တံခါး ပြီးပွင့်နေသည်ကိုတွေ့လိုက်ရ၏ ။ ဝမ်းသာလိုက်သည့်ဖြစ်ခြင်း။
ဂူ အတွင်းမှ အလင်းရောင် ထွက်နေပြီး လင်းထိန်နေ၏။


၂ . အလောင်းတော် ကဿပ လှိုဏ်ဂူ အတွင်းဝင်နိုင်ခဲ့သူ

ဖယောင်းတိုင် ငြိမ်းသွားသော်လည်း ဂူ အတွင်းမှ ထွက်သော အလင်းရောင်ကြောင့် အာလုံးကို မြင်နေရ သည်။ လွယ်အိတ်၊ သင်းပိုင်၊ နှစ်ထပ် သင်္ကန်းကို ယူ၍ ဂူပေါက်ထဲသို့ ဘေးစောင်း ဝင်လိုက်၏ ။ ချောင်ချောင် ဝင်နိုင်၏။ အပြင်တွင် အေးသလောက် အထဲတွင် နွေးနေ၏။

လျောင်းတော်မူနေသော အရှင်ကဿပ ထံ ချဉ်းကပ်လျှက် အားပါးတစ်ရ ဝပ်တွား၍ သက်စေ့ အကြီမ်ပေါင်း ၃၀ ၊ တည်ခြင်း ငါးဖြာဖြင့် ဝပ်ချ၏။ ပရိကံ ယူပြီး ပုတီး ၂၇ ပါတ် စိတ်၏။
(၁၃၁၆ ခု တပို့တွဲ လဆန်း ၅ ရက် သောကြာနေ့ နံက့် ၉:၄၅)

အလောင်းတော်မှာ ကျောက်ညိုပြားပေါ်၌ ပက်လက်ရှိ နေ၏။
ထို ထု ၁ တောင်၊ အလျား ၉ တောင်၊ အနံ ၄ တောင်၂ မိုက်ရှိ ကျောက်ညိုပြားပေါ်တွင် ပတ္တမြား မြ စိန် ပုလဲ စသော ရတနာ အပြည့် ရှိ၏။ ရောင်စဉ်များ တစ်ဖြတ်ဖြတ်နှင့် တောက်ပ ဖျာထွက်နေ၏။

ဝတ်ရုံထားသော သင်္ကန်းမှာ သစ်ခေါက်အရောင်ဆိုး ဖြစ်၍ ဆွေးမြေ့နေ၏ ။ ဦးခေါင်းတော်တွင် ဆံအုံက ဆန်ကောဝိုင်း ပမာဏရှိ၍ ရှုပ်ထွေးနေ၏။ နဖူးပေါ်ကျ နေသော ဆံတော်ကို တိုင်းကြည့်ရာ ၅ တောင်နှင့် လက် ၃ လုံး ရှိ၏။ မျက်လုံး မှိတ် နေ၏။ နထင်နရင်းများ မကျပေ။ လူရှင်တစ်ယောက် အိပ်နေသကဲ့သို့ ဖြစ် ၏။

နှုတ်ခမ်းမွှေများလည်း ရှည်ထွက်နေကြ၏။ ခြေ ၊လက် များက လူရှင် သကဲ့သို့ ကွေး၍ရ၏။ အသားအရေ ကလည်း ပျော့ပြောင်း နေ၏။ လက်သည်း ၂ လက်မခန့် ရှည်နေ၏။ ဘုရားထုရန် လက်သည်းများ ညှပ်ယူခဲ့၏။ခြေသည်းများလည်း ရှည်နေသဖြင့်ဖြတ်ပေး၏။

အလွန် ပီတိဖြစ်၍ ကြည်ညိုလှသဖြင့် နှစ်ထပ် သင်္ကန်ကြီးကို လွှမ်းလှူလိုက်၏။ အလျားလိုက် လွှမ်းက ဒူးဆစ်အောက် ခန့်သာ ရောက်၏။ အနံလိုက် လွှမ်းသောအခါ ခြေသလုံး သုံးချိုးတစ် ချိုး လောက် အထိကျ၏။ အလွန်အံ့သြမိ၏ ။ ကိုယ်တောကြီး အရပ် ၆ တောင် ၁ ထွာနှင့် လက် ၃ လုံး ရှိ၏ ။

မြေသပိတ်တော်က၊ သပိတ်ဖုံး၊ သပိတ်ခြေ မရှိ ။ အဝမှာ ၂ တောင်ပြည့်ရန် လက် ၁ လုံးလျော့၏ ။ ကိုယ်တော် နှင့် ၃ တောင် အကွာတွင် အမြဲ လင်းနေသော ကျောက်ဖယောင်း တိုင်ကြီး ၃ တိုင်က လူ့တစ်ရပ်ခန့် မြင့် ၏။ လုံးပတ် ၂ ထွာနှင့် လက် ၁ အုပ် ရှိ၏။ အောက်ခြေတွင် အင်တုံပက်ကြီးများ ခံထား၏။ ခေါင်းရင်း တွင် လှည်းဘီးခန့် ပန်းဆိုင်းကြီး ၂ ခုကို တွဲလွဲ ဆွဲ ထား၏။ လတ်ဆတ်သော ပန်းနံ့များ လိုဏ်ဂူ အတွင်း မွှေး ပျံ့နေ၏။

ကြားဖူး ထားသည်မှာ ဂူပေါက်အဝင် ဝ ရေစီးကြောင်းတွင် သစ်သားပြား အပေါ် လှူ ရန် ရတနာပစ္စည်း တင်ပြီး မျှောပါက ပြန်ထွက်လာ သောအခါ ထိုရတနာ ပစ္စည်း ပြန်ပါမလာဟု ကြားဖူး၏ ။ နတ်များက ဆောင်ဟန်တူ၏ ။ ဤနည်းဖြင့် လှူ ဒါန်း ထားဟန်ရှိသော ရွှေဆွဲကြိုး လက်ကော် လက်စွပ် ခြေကျင်း နားဋောင်း  ရွှေပြား ငွေပြား များမှာ လှည်း ၅ စီးတိုက်ခန့် ရှိမည် ထင်၏ ။ရွှေ ငွေ ပန်းခိုင် တံခွန် ကုက္ကား များက ငါးဆယ် ခန့် ရှိမည်။ ကြေးစည် အကြီး အသေး အထပ်က လူ့တစ်ရပ်ခန့် ရှိမည်။ ရွှေခွက် ငွေခွက် များလည်း အများအပြားတွေ့ရ၏ ။

မျက်နှာကြက်တွင် ရုပ်သေးရုပ်များ ကျောက်မောင်းများ တွဲလွဲ ကျနေ၏ ။ ရှင်သူငယ် အလင်း အပေါက်မှာ ၂ တောင်ခန့် ကျယ်၍ အမြင့် ပေ ၂၀ ခန့်၌ ရှိ၏။ ထိုအပေါက်မှ နေရောင်ဝင်၏ ။ နံရံများ တွင် ရွှေချထားသော ဘုရားပုံတော်များ ကွက်တိ ကွက်ကြား ရှိနေသေး၏ ။ ဂူကြီးမှာ အလျား ၄၇ တောင် အနံ ၃၇ တောင် ခန့် ရှိ၏။ ရွှေပုံ ကြီး နေရာတွင် ဆက်တိုင်း၍ မရတော့ပါ။ ကြည်ညို စိတ်ဖြင့် တိုင်းထွာချိန် တစ်ရီ နာရီ ကျော်သွား၏ ။ ငှက်ပျောတစ်ဖီး ရေဆေး၍ ဆွမ်းကပ်လှုလိုက်၏ ။

ပီတိ ထောမနဿ ဖြင့် အဓိဋ္ဌာန် စခန်းကို ဆက်ရပါတော့မည် ။
တစ်သက်မှာ တစ်ခါ ရခဲလှသော အလောင်းတော် ကဿပ ဂူ အတွင်း ဝင်ရာက် ဖူးမျော်ခဲ့ရသော အရှင်  ဝါယမာ ဘဝံသ ၏ ကိုယ်တွေ့ မှတ်တမ်းသာဖြစ်ပါ၏ ။

………………………………………………………………

ဆရာတော်ကြီးသည် သက်တော် ၁၀၀ တွင် ထွက်လမ်း သို့ မြန်း တော့မည်ဖြစ်သည် ။ ယခုအခါ သက်တော် ၉၃ နှစ် ရှိပါပြီ ။ အမရပူရမြို့ ကျော်အောင် စံထားကျောင်းတိုက်တွင် သီတင်းသုံး နေထိုင်တော်မူလျှက်ရှိ၏ ။

ကျွန်ုပ် ရေးခဲ့ပြီးသော အလောင်းတော် ကဿပ လှိုဏ် ဂူဝ မှ ထူးဆန်းသော အလှုတော် ကို ဖတ်ပြီး မယုံနိုင် သေးသူများ အတွက် ဤဖြစ်ရပ်မှန်ကို တင်ဆက်လိုက်ရပါသည်။


၃.  အလောင်းတော် ကဿပ လိုဏ်ဂူ အတွင်း ဝင်နိုင်ခဲ့သူ

အလောင်းတော် ကဿပ အလွမ်းစာ

ကျွန်ုပ်သည် အလောင်းတော် ကဿပ လှိုင်ဂူတော် အတွင်း ဝင်ရောက်နိုင်ခဲ့ပြီး ၄၅ ရက် အဓိဌာန် ပုတီးအားလုံးပြီး၍ အဓိဌာန် ချပြီး ကုသိုလ်အဘို့ကို ၃၁ ဘုံသား တို့အား စုံစုံလင်လင် အမျှပေးဝေလိုက်သောအခါ တစ်တောလုံး တစ်တောင်လုံး ပဲ့တင် ထပ်အောင် သာဓုခေါ်သံများ ကြားရတော့၏။
သာဓုသံများသည် ၅ မိနစ်ခန့်ကြာသည် အထိ ကြားနေရ၏။

အသံများငြိမ်သွားသောအခါ အလောင်တော် ကဿပ အား လှူဒါန်းထား သော နှစ်ထပ် သင်္ကန်းကြီးကိုခါ၍ သေသပ်စွာ ခြုံပေးပြီး ကိုယ်တော်မြတ်ကြီးရှေ့တွင် ပရိတ်များ၊ ဘုရားရှိခိုး ဂါထာ ၁၀၀ ကျော်ဖြင့် အားရအောင် ရှစ်ခိုးပြီး ၅၂၈ သွယ် မေတ္တာပို့ ကောင်းမှု့များကို အမျှဝေပြီး နံနက် ၆ နာရီထိုးပေပြီ။

အားရစွာ ကန်တော့ပြီး နောက်လှည့်ကြည့် လိုက်သောအခါ လူတစ်ယောက်ကိုတွေ့ရ၏။ " အသင်ဘယ်သူလဲ " ဟုမေးတော့ " ဤတောင်စောင့်နတ်ပါ " ဟုပြော၏။ ထိုနတ်က " တပည့်တော် အရှင်မြတ်ကို ပြစ်မှားမိသမျှ တောင်းပန်ပါတယ် " ဟုပြောပြီး ငိုတော့၏။ 

"ဘာပြုလိုငိုတာလဲ " မေးတော့ "အရှင်ဘုရားက ဒီနေ့ပြန်မှာ ဆိုတော့ တပည့်တော်တို့မှာ ဝမ်းနည်းလွန်းလို့ပါ ဘုရား " ဟုဆိုပြီးငို တော့၏။ ကျွန်ုပ်က တရားဟောပြီး နှစ်သိမ့်ရ၏။ ကိုယ်က အလောင်းတော်ကဿ ပ ကိုယ်တော်ကြီး နှင့် ခွဲရမှာမို့ စိတ်မကောင်းဖြစ်နေတဲ့အထဲ သူကလာငိုနေပြန်၏။ စိတ်ကိုထိန်းချုပ်ထားရ၏။ စိတ်မကောင်းဖြစ်မိ၏။ 

အားတင်း၍ ကိုယ်တော်မြတ်ကြီးကို ကန်တော့ ဆုတောင်းပြီး အပေါက်ဝဘက် လှည့်လိုက်၏။ ထိုအခိုက် ဝင်းခနဲဖြစ်သွား၍ ကိုယ်တော်မြတ်ကြီး ဘက်လှည့်၍ကြည့်လိုက် သောအခါ ရောင်ခြည်တော်မှာ အလောင်း တော် ကဿပ ဦးခေါင်တော်မှ တစ်ဖြတ်ဖြတ် လက်ကာ ထွက်ပေါ်နေခြင်း ဖြစ်၏။ ကျွန်ုပ်က ပြန်လှည့်လာပြီး လက်အုပ်ချီ၍ ဖူးနေမိ၏။

 ရောင်ခြည်တော်မှာ ခေါင်းတော်မှ ရင်ဘတ်တော်၊ ရင်ဘတ်တော်မှ ညာလက်တော်၊ ညာလက်တော်မှ ဘယ် လက်တော်၊ ဘယ်လက်တော်မှ ဝမ်းတော်၊ ဝမ်းတော်မှ ပေါင်တော် ၊ခြေသလုံးတော်၊ ခြေဖျားတော်များ တိုင်အောင် အစဉ်လျှောက်ပြီး လူးလားခေါက်ပျံ ပြုနေ၏။

ကျွန်ုပ်လည်း ဖူး၍ မဝအောင်ဖြစ်နေမိ၏။ အလင်း ရောင်ခြည်တော်သည် အစိမ်းရောင်နှင့် အဖြူရောင်များဖြစ် ၏။ မီးညွှန့် ကဲ့သို့ တစ်ဖြတ်ဖြတ်နှင့် တောက်ပနေ၏။ နောက်ဆုံး ခြေဖျားတော် ရောက်မှ ပျောက်သွားလေ၏။ ပေါ်လာလေဦးမလား ဟု စောင့်ကြည့် နေသေး၏။ နောက်ဆုံး ပေါ်မလာတော့မှ အပေါက်ဘက်
ထွက်လာတော့၏။

ဂူပေါက်ဝ အပြင်လည်း ရပ်လိုက်ရော အောင်ပြီ အောင်ပြီ အောင်ပြီ ဟူသော အသံကြီး သုံးခွန်း အော်သံ 
ကြားရ၏။ ကျွန်ုပ်မှာ ကြက်သီးများ တစ်ဖြန်းဖြန်း ထနေမိတော့၏။

ဤမှတ်စုကို ဖတ်မိသော သူတော်ကောင်း အပေါင်းတို့ကိုလည်း ကျွန်ုပ်က အမျှပေးဝေပါ၏။
အမျှရ၍ ကျန်းမာ ချမ်းသာခြင်း သည် ဟောတု ဖြစ်ကြပါစေကုန်သတည်း။

ကုသိုလ် အမျှ အမျှ အမျှ ။

အရှင်ဝါယာမာဘိဝံသ
…………………………………

သာဓု သာဓု သာဓု ပါအရှင်မြတ်ကြီးဘုရား

ထွဋ်ခေါင်ဦး
fr. Royai Oo

Nay La