ကမ်းဇော်ဆီ နှင့် ကင်ဆာ ရောဂါ

တစ်လောက မိတ်ဆွေ တစ်ယောက်က ထားဝယ် အပြန် လက်ဆောင် ဆိုပြီး လစ်ပို ပုလင်းနှင့် ထည့်ထားသည့် ကမ်းဇော်ဆီ တစ်ပုလင်းကို လာပေးသည်။ အမှန်အတိုင်း ဝန်ခံရရင် ကမ်းဇော်ဆီ ဆိုတာကို ကျွန်တော်က နှမ်းဆီ၊ ပဲဆီ တို့လို အဆီ တစ်မျိုးလို့ပဲ ထင်သည်။ 

လစ်ပို ပုလင်းနှင့် တစ်ပုလင်းစာလောက်ကို တစ်ကူး တစ်က လာပေးနေရသေး တယ်လို့ ကျွန်တော်က လည်း အလိုက်ကမ်းဆိုးမသိ သွား ပြောမိသည်။ ဒီမှာတင် မိတ်ဆွေက ကမ်းဇော်ဆီ ဘယ် လောက် တန်ဖိုး ရှိကြောင်း၊ ကင်ဆာရောဂါ ကိုပင် အမှန်တစ်ကယ်ပျောက်စေနိုင်ကြောင်း သိပ္ပံနည်းကျ သုတေသနပြုထားသည့် အထောက်အထားတွေလည်း ရှိကြောင်း၊ ကရားရေလွှတ် ပြောလာပါတော့သည်။ 

တစ်ဆက်တည်း ဆိုသလိုပင် ကမ်းဇော်ဆီနှင့် ပတ်သက်ပြီး ထောက်ခံရေးသားထားကြသည့် လူနာရှင်များ၏ အထောက်အထား မှတ်တမ်းများကို ထုတ်ပြလာသည်။ မိတ်ဆွေ ထုတ်ပြသော မှတ်တမ်းများတွင် ပင် ရောဂါ မျိုးစုံစွာ ပျောက်ကင်းကြောင်းကို တွေ့ရသည်။ 

ကျွန်တော်လည်း အံ့သြ မှင်သက်စွာဖြင့် သူပြောသမျှကို ပါးစပ် အဟောင်းသားဖြင့်သာ နားထောင်နေရ သည်။ တစ်ခါမျှ မကြားဖူးသော အကြောင်းအရာများဖြစ်နေ၍လည်း အင်း... လိုက်ရုံမှ လွဲ၍ တစ်လုံး တစ်ပါဒ မှ ဝင်မပြောဖြစ်ပေ။

မိတ်ဆွေ ကလည်း ကမ်းဇော်ဆီ အကြောင်း အလုံးစုံ ချီးမွမ်းခန်း ဖွင့်ပြီး သကာလ ''သုံးကြည့်ပါ၊ တစ်ကယ် စွမ်း မှ သူ့ကို ကျေးဇူးတင်ပါ '' ဆိုကာ ပြန်သွားလေသည်။ ကျွန်တော်လည်း သူပြန်သွားမှပင် ကမ်းဇော်ဆီ ဆိုသည့် ပုလင်းကို ယူကာ သေချာစေ့ငု ကြည့်ရလေသည်။ 

ပုလင်းဖုံး ကို ဖွင့်လိုက်သည်နှင့် စပြီး ဆီးကြိုသည်က သူ၏ အနံ့၊ ကြမ်းပိုးနံ့ လိုလို အနံ့ က တစ်ခါရှူလိုက်တာနှင့် နှာခေါင်းထဲ စွဲဝင်ကျန်နေသည်။ ချက်ချင်း ပုလင်းကို နှာခေါင်းဝ ကနေ ပြန်ခွာလိုက်ရသည်။ ဒီ အနံ့နှင့် ဒီ အဆီကို လွယ်လွယ် ကူကူ သောက်ဖို့ ဆိုသည်မှာ တော်တော် ကျင့်သားရမှပဲ ဖြစ်လိမ့်မည်။ 

အရောင်ကတော့ အပေါ်မှာ အရည်ကြည်တွေဖြစ်ပြီး အလယ်လောက်မှာ နို့နှစ်ရောင်ဖြစ်နေကာ အောက်ခြေမှာ အနက်ရောင် အမှုန်များ ဖြစ်နေတာ တွေ့ရလေသည်။ အဆီ နည်းနည်း ကို လက်ညှိုးနဲ့ တို့ပြီး အရသာ မြည်းကြည့်မိသည်။ ခါးသက်သက် အရသာက လျှာပေါ်မှာ စွဲကျန်နေသည်။ သောက်ချင်စိတ် မရှိဘဲ သောက် ဖို့ဆိုသည်မှာ ဘယ်လိုမှ မဖြစ် နိုင်သော အရာပဲ ဖြစ်သည်။ မိတ်ဆွေက တစ်ကူး တစ်က လာပေးထားတာဆိုတော့ ဗီရိုထဲ ထည့်ကာ သိမ်းထား လိုက်ပါသည်။

ဒီလိုနဲ့ ကမ်းဇော်ဆီကို မေ့နေသည်မှာ နှစ်လ ခွဲလောက် ကြာသွားလေသည်။ တစ်နေ့ အိမ်မှာ အကူခေါ်ထားသည့် အမျိုးသမီးက ရေနွေးအိုး ထဲမှ ရေနွေးပူကို ဓာတ်ဘူးထဲ ထည့်နေစဉ် ဓာတ်ဘူး လဲကာ တစ် ကိုယ် လုံး ရေနွေးပူ လောင်လေသည်။ အိမ်မှ လူတွေလည်း ဘာလုပ်လို့ ဘာကိုင်ရမှန်း မသိဘဲ ပျာယာခတ် ကုန် ကြသည်။ ချက်ချင်း ဆိုသလို ဆိုက်ကား ဆရာအား ခေါ်ကာ လမ်းထိပ်ဆေးခန်း ကို ပြေးရသည်။

ဆရာဝန်က လိုအပ်တဲ့ဆေးဝါးတွေပေးကာ ဆေးလိမ်း မှာကြားပြီးနောက် ပြန်လွှတ်လိုက်သည်။ ပြဿနာ က အဲဒီ အမျိုးသမီးက လူဖြစ်ရှုံးပါပြီဆိုပြီး ငိုနေခြင်းပင်။ သူ့ တစ်ကိုယ်လုံးမှာက ရေနွေးပူလောင်ထားသည့် အဖု အပိမ့်တွေနှင့် ကျွန်တော်လည်း ဘယ်လိုဖြေရှင်းပေးရမလဲမသိ။ ထိုင်ပြီး စိတ်မကောင်း ဖြစ်နေတုန်း သွားစဉ်းစားမိတာက မိတ်ဆွေ ပေးသွားသည် ကမ်းဇော်ဆီ ကိုပင်။ 

သူက ကမ်းဇော်ဆီ ဟာ မီးလောင်နာ၊ ရေနွေးပူလောင်နာတွေကို အမာရွတ် မကျန် အောင် ပျောက်ကင်းနိုင်တယ်လို့ ပြောသွားသည်ကိုလည်း မှတ်မိသွားပါသည်။ ကျွန်တော်လည်း ချက်ချင်း ဆိုသလို ဗီရိုထဲက ကမ်းဇော်ဆီ ပုလင်းကို ပြေးယူပြီး မိတ်ဆွေပြော သွားသည်ထက် ပိုပို သာသာလေး အမွှမ်းတင်ကာ သုံးပုံ သုံးနည်း ပြောပြရလေသည်။

ကမ်းဇော်ဆီကို ဂွမ်းနှင့် ယူပြီး ရေနွေးပူလောင်သည့် အနာတွေပေါ် ခပ်ရွှဲရွှဲလေး လိမ်းပေးလိုက်ပြီး ပုလင်း ပါ တစ်ခါတည်း ပေးလိုက်ပါသည်။ စိတ်မပူဖို့လည်း အထပ်ထပ် မှာလိုက်ရသည်။ ဒီလိုနဲ့ တစ်ပတ်လောက် ကြာတော့ ထိုအမျိုးသမီး ပြန်ပေါ်လာသည်။ ရောက်ရောက် ချင်းပင် ဝမ်းသာ အားရနှင့် သူ့အနာတွေ ပျောက်သွားပြီဆိုပြီး ပြောလေသည်။ 

ကျွန်တော်ကြည့်လိုက်တော့ အမာရွတ် နည်းနည်း ကျန်နေပေမဲ့ တော်တော် သက်သာနေတာ တွေ့ရသည်။ အမာရွတ်တွေ ကလည်း ကြည့်ရဆိုး မနေဘဲ ပုံမှန် အသားအရေနီးပါး အတိုင်းပဲ ဖြစ်နေပါသည်။ ကျွန်တော် လည်း တော်တော် အံ့သြသွားမိသည်။ အဲဒီလောက် အခြေ အနေ ကောင်းမယ်လို့ ထင်မထားခဲ့။ 

ကမ်းဇော်ဆီ ရဲ့အစွမ်း ကိုလည်း ကိုယ်တွေ့မို့  ပိုယုံကြည်သွားသည်။ ဘာကြောင့် ဒီလောက် စွမ်းတာလဲ၊ ဘာတွေ သူ့မှာ ပါဝင်နေလို့လဲ၊ ဘယ်လို ရောဂါမျိုးတွေကို ပျောက်စေနိုင်သေးလဲ။ ဒါတွေကို တစ်ကယ် စိတ်ဝင်စားမိသွားပါသည်။

ချက်ချင်း Internet ဖွင့်၊ ကမ်းဇော်ဆီနှင့် ကမ်းဇော်ပင် အကြောင်း ကို လေ့လာကြည့်မိတော့ ကမ်းဇော်ဆီ နဲ့ ပတ်သက် ပြီး လေ့လာ သုတေသနပြုထားမှု အမြောက် အမြားကို တွေ့ရ သည်။ အဲဒီထဲမှာ India နိုင်ငံရဲ့သုတေသနပြုမှုက ပိုများ တာကိုလည်း တွေ့ရပါသည်။ မြန်မာ သုတေသီများ၏ စာတမ်း အများအပြား လည်း အဆင်သင့်ရှိနေပါသည်။ 

ကမ်းဇော်ဆီနှင့် ပတ်သက်သမျှကို Download ယူပြီး တစ်နေကုန် လေ့လာဖြစ်သွားပါသည်။ Internet တွင် ကမ်းဇော်ဆီ သည် ကင်ဆာ အမျိုးမျိုးကို အမှန်တစ်ကယ် ပျောက်စေသည့် အပြင် ရိုးရာ တိုင်းရင်းဆေးတစ်လက်အနေနှင့် တော်တော် နာမည်ကြီးနေသည်ကို တွေ့ရသည်။ 

ဆရာဝန် များ လက်လျှော့ထားရသည့် သားအိမ် ကင်ဆာ၊ ရင်သား ကင်ဆာ၊ အဆုတ် ကင်ဆာလိုရောဂါတွေကိုပင် ကမ်းဇော်ဆီ တစ်လမျှ သောက်လိုက်သည်နှင့် အမှန်တစ်ကယ် သက်သာ ပျောက် ကင်းသွားသည် ကိုလည်း မှတ်တမ်း အများအပြားကိုလည်း တွေ့ရပါသည်။ 

အရပ်ထဲတွင် လူပြော အများဆုံးအကြောင်း ကလည်း ကမ်းဇော်ဆီ နဲ့ ကင်ဆာ အကြောင်းပဲ ဖြစ်ပါသည်။ ဤသိုဖြင့် Internet တွင် ရှာဖွေတွေ့ရှိသမျှ မိတ်ဆွေရဲ့ ပြောစကား၊ ကျွန်တော် ကိုယ်တိုင် ကိုယ်တွေ့ကြုံခဲ့ရတဲ့ အဖြစ်အပျက်များက ကမ်းဇော်ဆီ နဲ့ပတ်သက်ပြီး ပြည့်စုံတဲ့ ဇာတ်လမ်း တစ်ပုဒ် ဖြစ်လိမ့်မည်ဟု ယုံကြည် သဖြင့် ကမ်းဇော် ဆီ အကြောင်းကို ပြည့်ပြည့်စုံစုံ သိချင်သူများကို ပြန်လည် ဝေမျှဖို့ စိတ်ကူးမိခဲ့ပါသည်။ စိတ်ကူးမိသည့် အတိုင်းလည်း အကောင်အထည် ဖော်ခဲ့ပါသည်။

ကမ်းဇော်ဆီ

ကမ်းဇော်ဆီ ကို မြန်မာနိုင်ငံတွင်းမှာ ဆိုလျှင် တနင်္သာရီတိုင်းမှာ ရှိတဲ့ မြိတ်၊ ဘုတ်ပြင်း နဲ့ ထားဝယ်မြို့အနီးတစ်ဝိုက် မှာပဲ အများဆုံးပေါက်ရောက်တာကို တွေ့ရသည်။ မြိတ် နဲ့ ဘုတ်ပြင်း ဘက်က အပင်တွေက ရေစပ်စပ် ရှိတဲ့ ပင်လယ် ကမ်းစပ်တို့၊ ရွှံ့နွံထူတဲ့ အပိုင်းမျိုးတွေမှာပဲ ပေါက်ရောက် တတ်လို့ ရေကမ်းဇော်လို့ ခေါ် ကြပြီး ထားဝယ်ဘက်မှာ ပေါက်ရောက်တဲ့ အပင်တွေတော့ ကုန်းပေါ်မှာ ပေါက် ရောက်ကြလို့ ကုန်းကမ်းဇော်လို့ ခေါ်ကြသည်။ 

အရွက် အပွင့်၊ အသီးတွေ အနည်းငယ်ခြားနားတာမျိုးက လွဲရင် ကမ်းဇော်ဆီက ရတဲ့ အဆီ ရဲ့အကျိုး အာနိသင် ကတော့ အတူ တူပင်။ တစ်ချို့က သူ့ကို မယ်ဇယ်ပင် (မည်စည်ပင်) နဲ့ တူလို့ ရေမယ်ဇယ် ဆိုပြီး ခေါ်ကြတာလည်း ရှိပါသည်။ အပင်၏ ပျမ်းမျှ အမြင့်က ပေ ၇ဝ အထိ ရှိတတ်ပြီး အပင် အရွယ်ရောက်ဖို့ ၈ နှစ်ကနေ ၁၃ နှစ် ကြာတတ်သည်။ 

အပင် သက်တမ်း ၆ဝ လောက်အထိ အသီးကောင်းကောင်း သီးနိုင်သည်။ နောက်ပြီး ကမ်းဇော်ပင် ၏ ထူးခြား ချက်က နှစ်တိုင်း အသီးသီးတာမျိုးမ ဟုတ်ဘဲ သုံးနှစ်မှ တစ်ခါ အသီးသီးပါသည်။ အိန္ဒိယ Websites များမှ ဖော်ပြထား ချက်အရဆို ကမ်းဇော်ပင် တစ်ပင်က ကမ်းဇော်ဆီ တန်ချိန် ၁၈ဝဝဝဝ ထိ ထွက်တယ်လို့ ဆိုပါသည်။ ကျွန်တော့် အမြင် အရတော့ တန်ချိန် ၁၈ဝဝဝဝ ဟာ အပင်သက်တမ်း ကုန်လို့ နောက်ဆုံး အသီးသီးမယ့် အချိန်အထိ တွက်ထားတာ ဖြစ်နိုင်သည်။ အပင်၏ အသက်နှင့် အရွယ်အစား ကတော့ မြေ အနေအထားပေါ် မူတည်ပြီး ကွဲပြားကောင်း ကွဲပြားမည် ဖြစ်သည်။

ကမ်းဇော်ဆီ၏ ရုက္ခဗေဒ အမည်မှာ Bassia Longfolia Linn ဖြစ်ပါတယ်။ "Sapotaceae" မျိုးရင်း မှာ ပါပြီး အင်္ဂလိပ်လို "Mahua Tree" ဟု ခေါ်သည်။ ဒါက India အသံထွက်ကို ဖလှယ် ထားတာ ဖြစ်ပါလိမ့်မည်။ 
Internet Blog တစ်ခုမှာ တွေ့ရတဲ့ ပုသိမ် တက္ကသိုလ်၊ ရုက္ခဗေဒဌာန မှ မမိုးမိုးလွင် ဆိုသည့် အစ်မ တစ်ယောက်၏ Ph.D အတွက် ပြုစုထားတဲ့ ကမ်းဇော်ဆီ နဲ့ ပတ်သက်တဲ့ Thesis ဟာလည်း ပြည့်စုံ လုံလောက်တာကို တွေ့ရပါ သည်။ အဲဒီ အစ်မ မမိုးမိုးလွင် နဲ့ အဲဒီ အကြောင်းကို ဖော်ပြ ပေးတဲ့ သက်ဆိုင်ရာ ဘလော့ဂ် တို့ကို ဒီနေရာကနေ Credit ပေးကြောင်းကိုလည်း ဖော်ပြချင်ပါသည်။ 

အဲဒီ အစ်မရဲ့စာတမ်း အဆိုအရ ကမ်းဇော်ပင်ကို တောင် မင်းဂွတ်၊ သစ်ကြမ်းပိုး လို့လည်း ခေါ်ကြောင်း သိရပါသည်။ ကမ်းဇော်ဆီ၏ အသားက နီညိုရောင် ရှိပြီး သစ်မာ အမျိုးအစား ဖြစ်သည်။ သက်တမ်းရင့် ကမ်းဇော်ပင် တစ်ပင်ဟာ လုံးပတ် ၆ ပေ၊ ၇ ပေခန့် ရှိတတ်တဲ့ အတွက် အပင် တစ်ပင်တည်းနဲ့ အိမ်တစ်လုံးဖြစ်အောင် ဆောက်နိုင်တယ် လို့လည်း ဒေသခံ တွေက ဆိုကြောင်း သိရပါသည်။ 

ကမ်းဇော်ပွင့်၏ အရောင်က နို့နှစ်ရောင်ဖြစ်ပြီး အသီးက ခရေသီးနှင့် တူပါသည်။ ခရေသီးထက်တော့ ကြီးပါသည်။ ကမ်းဇော်ပင် ၏ အပွင့် တွေက အဆုပ်လိုက် ပွင့်ပြီး အသီးတွေက အဆုပ်လိုက် သီး၏။ အသီး ကို အခွံ ခွာလိုက်လျှင် အတွင်း၌ မြေပဲဆန်နှင့် တူတဲ့ အစေ့ ရှိပါသည်။ ထိုအစေ့ကို ကြိတ်ပြီး ဖြစ်ဖြစ်၊ ပေါင်းခံပြီးဖြစ်ဖြစ် အဆီကို ထုတ်ယူရခြင်း ဖြစ်သည်။ 

ဒါ ဟိုးရှေးပဝေသဏီ ကတည်းက သုံးခဲ့တဲ့ နည်းလမ်း တွေပင်။ ဘယ်လို နည်းနှင့်ဖြစ်ဖြစ် ရတဲ့ အဆီရဲ့ အာနိသင် မှာတော့ အတူတူပင်။ ကမ်းဇော်ပင်၏ အခြား အစိတ်အပိုင်း တွေကိုတော့ သိပ် မသုံးကြပါ။ တန်ခူးလ၊ ကဆုန်လ နဲ့ နယုန် လတွေဟာ ကမ်းဇော်သီး သီးတဲ့ရာသီ ဖြစ်သည်။ 

အရင်က ဒီလောက်ဈေးမကြီးသေးပေမဲ့ အခုနောက်ပိုင်း ကင်ဆာပျောက်တယ် ဆိုသည့် သတင်းစကားရယ်၊ ရောဂါ အတော် များများကို သူ့အဆီချည်း သက်သက်နှင့် နိုင်နင်းတယ် ဆိုသည့် သတင်းစကား များကြောင့် ယခင် ၄ဝ သားဝင် တစ်ပုလင်း ၂ဝဝဝဝ လောက်ကနေ အခုဆို ၄ဝဝဝဝ၊ ၅ဝဝဝဝ ပေးဝယ်တာတောင် လိုသလောက် ဝယ်လို့မရနိုင် အောင် ရှိနေပါသည်။ 

ဒီကြားထဲ လူကြိုက်များသည်ကို အခွင့်ကောင်းယူပြီး အတုတွေ၊ အရောတွေကလည်း လှိုင်လှိုင် ကြီးကို ပေါ်နေတော့သည်။ ကမ်းဇော်ဆီသာ စစ်လျှင် တစ်ကယ် စွမ်းတာကတော့ အမှန်ဖြစ်ပါသည်။ စားရုံ၊ လူးပေးရုံနှင့် ကုသဖို့ ခက်ခဲသည့် ကင်ဆာ အနာရောဂါပင် အမှန် ပျောက်ကင်းကြောင်း မျက်မြင်တွေ့ရှိ သိရှိခဲ့ရ ပါသည်။ 

ထိခိုက်၊ ပွန်းပဲ့၊ ဓားထိ၊ သွေးထွက်သော အနာများကို ကမ်းဇော်ဆီဖြင့် ချက်ချင်း လိမ်းပေးပါက ထွက်နေသော သွေးများ တိတ်ပြီး အနာ အပျောက်မြန်တာကိုလည်း တွေ့ခဲ့ ရသည်။ အဆစ်အမျက် ကိုက်ခဲခြင်း၊ ခေါင်းမူး ခေါင်း ကိုက်ခြင်းများ၊ ချောင်းဆိုးခြင်း၊ သလိပ်ကျပ်ခြင်း အပါအဝင် ၉၆ ပါးသောရောဂါတွေမှာလည်း ကမ်းဇော်ဆီ က အကျိုး သက်ရောက်မှုရှိတာကို လေ့လာတွေ့ရှိခဲ့ရပါသည်။

ကမ်းဇော်ဆီနှင့် ဆေးဖက်ဝင်မှုများ

ကမ်းဇော်ဆီ ကို စနစ်တစ်ကျ ဓာတ်ခွဲ စမ်းသပ်ကြည့်တဲ့ အခါ Polysaccharide, Saponin, Flavonoid, Sterol, B- Carotenes, alenolid acid, Fatty acid, Palmitic, Stearic, Olesc, Linoleic တို့ အမြောက်အမြားပါဝင် သည်ကိုလည်း တွေ့ရသည်။

 နောက်ပြီး ကမ်းဇော်ဆီ က Cholestrol ကို တိုးစေတာမျိုး မရှိသည့် အတွက်လည်း စိတ်ချ လက်ချ သောက်သုံးနိုင်တာဖြစ်သည်။ အဆီ ကို သောက်ရတာ ဆိုတော့ တစ်ချို့က အဆီပိတ်မှာ ကို ကြောက် တတ်ကြ ၍ပင်။ ကမ်းဇော်ဆီ စစ်လျှင် သုံးနှစ်လောက်ထား တာတောင် အနံ့အရသာ မပြောင်းလဲတတ်ပါ။ အရောအနှော တွေ၊ အတုတွေက လနည်းနည်းကြာတာနဲ့ ရနံ့ပြယ်သွား တတ်ပါသည်။ ဒါဟာ ကမ်းဇော်ဆီနှင့်ပတ်သက်သည့် အကြောင်းတွေ ဖြစ်ပါသည်။

ကမ်းဇော်ဆီကို သောက်တဲ့ အကျင့် တစ်ပတ်လောက် သာ ရှိရင် ကမ်းဇော်ဆီ စစ် မစစ် ဆိုတာကို သောက် ကြည့်ပြီး ကောင်းကောင်း ခွဲခြားတတ်သွားမှာလည်း ဖြစ်ပါသည်။

ကမ်းဇော်ဆီ ၏ ဆေးအသုံးများ အနေနှင့် အိန္ဒိယ ဆေးကျမ်းများ အဆိုအရ အရေပြားအနာ ရောင်ရမ်း တာတွေ၊ တစ်ခြားဆေးသောက်သုံးမိတဲ့ ဆေးဝါး များရဲ့ ဓာတ်မတည့်တဲ့ဖြစ်စဉ်တွေ၊ ဆေး Over Dose ဖြစ်တာတွေ၊ ကျီးပေါင်းရောဂါတွေမှာ သုံးနိုင်တယ်ဟု ဆိုထားသည်။ မြန်မာဆေးကျမ်းများ၏ အလိုအရ အောက်ပါ အတိုင်း တွေ့ရ သည်။

၁။ အစာအိမ် ကင်ဆာ၊ ရင်သား ကင်ဆာ၊ အဆုတ် ကင်ဆာ အမျိုးမျိုးကို သောက်၊ လိမ်းစေရ၏။

၂။ အလုံးအကျိတ် အဖု (ကင်ဆာ) တို့ကို သောက်လိမ်း စေရ၏။ (တိုင်းရင်းဆေးခန်းသုံးဆေး ၄၃ နှင့်ရော ဖျော်လိမ်းပါက ပိုကောင်း၏)

၃။ ချောင်းဆိုးသော် ရင်ဝတွင် လိမ်း၍ သောက်စေရ၏။

၎။ ယောက်ျားများ ဘောကျလျှင်၊ လည်ပင်းကြီးရောဂါ ဖြစ်လျှင် လိမ်း၊ သောက်ရ၏။

၅။ အနာ အမျိုးမျိုးကို လိမ်းပေးနိုင်၏။

၆။ ထိခိုက် ပွန်းပဲ့ ရှနာနှင့် သွေးထွက်များသော အနာ၊ ဆီးချို ကြောင့်ဖြစ်သောအနာ အနာအို အနာဆွေးကို လိမ်းပေး ရ၏။ ဆီးချိုကြောင့်ဖြစ်သော ပေါင်ခြံ၊ ဆီးခုံ၊ ချိုင်း ကြား၊ နို့ကြား အနာအဖု ကလေးများကို လိမ်းပေး ရ၏။ 

၇။ ခေါင်းကိုက်လျှင် နားထင်နှင့် ငယ်ထိပ်တွင် နာနာပွတ် လိမ်းပေးရ၏။

၈။ ယားနာ အဖုအပိမ့် အကွက်ပေါ်ခြင်းကို လိမ်းပေးရ၏။

၉။ အပူလောင်နာ အတွက် မီလောင်ဖု မထရန်နှင့် အမာရွတ် ပေါ်ခြင်းကို လိမ်းပေးနိုင်၏။ 

၁ဝ။ ကလေးများ အပူနာ အနာစက်ပြည်တည်နာ ၊ အိုင်းနာ၊ အဖု အကျိတ် အနာ ကို တိုင်းရင်းဆေးခန်း သုံးဆေး ၄၃ နှင့် ဖျော်၍ လိမ်းပေးနိုင်၏။

၁၁။ ကလေးများ အဖျားအပူ ကျစေရန် တိုင်းရင်းဆေးခန်း သုံး ဆေး ၄၇ နှင့် ဖျော်၍ ပါးပါးလိမ်းပေးရ၏။

၁၂။ လိပ်ခေါင်းရောဂါ စအိုကွဲ၊ ဖနောင့်ကွဲ၊ နားကွဲ၊ နှုတ်ခမ်း ကွဲ၊ လျှာကွဲ၊ မှက္ခရုကို လိမ်းပေးရ၏။

၁၃။ ဒူးနာ၊ ခါးနာ၊ အဆစ်အမျက်နာ၊ ညောင်းညာခြင်းကို အကြောပြင်၍ လိမ်းပေးရ၏။

၁၄။ အနာရောင်ရမ်း ကိုက်ခဲခြင်းကို လိမ်းပေးပါ။ 

၁၅။ လေဖြတ်၊ ထုံကျင် ကိုက်ခဲခြင်း ဇက်ခိုင်ခြင်း ကို အကြော ပြင်၍ လိမ်းပေးရ၏။

၁၆။ နားနာ၊ နားလေထွက်ကို ဆီတစ်စက် ထည့်ပြီး ဂွမ်းဆို့ ထားပါ။ 

၁၇။ အိပ်ရာကျောပူအနာ ကို တစ်နေ့ ၄ ကြိမ် လိမ်းပေးရ ၏။ (ကွမ်းသီးသွေးရည် ၊ တိုင်းရင်းဆေးခန်းသုံးဆေး ၄၃၊ ဝိုင်အိုလက်ပေါင်ဒါလည်း လိမ်းနိုင်၏)

၁၈။ အသက်ရှည် ကျန်းမာရန် ထမင်းပူပူနှင့် နယ်စားစေ ရ၏။

၁၉။ ဝမ်းကိုက်၊ ဝမ်းလျှောကို သောက်စေ၊ လိမ်းစေရ၏။

၂ဝ။ လေဖြတ်၊ အဆုတ်ပြွန်ရောင်ကို လိမ်းစေ၊ သောက်စေ ရ၏။

၂၁။ မြွေကိုက်သော် လိမ်းပေးပါ။ မြွေကိုက်၍ အနာပုပ်ကျ ခြင်းကို ကောင်းစေပြီး အနာကျက်စေ၏။

မြိတ် ခရိုင် တိုင်းရင်းဆေးပညာဦးစီးဌာနက တိုင်းဦးစီးမှူးဖြစ်တဲ့ ဒေါ်ဝါဝါ ရဲ့စာတမ်းမှာဖော်ပြထားသည့် ကမ်းဇော်ဆီ နဲ့ ပျောက်ကင်းသည့်ရောဂါတွေ အကြောင်းကို စာဖတ်သူ များအတွက် ထပ်ဆင့်ဝေမျှချင်ပါသေးသည်။ 

၁။ ဝမ်းတွင်း၌ ဖြစ်တတ်သောရောဂါများ၊ အဖုအကျိတ် များ၊ အစာအိမ် အနာ၊ ချောင်းဆိုးသွေးပါရောဂါများ တွင် အဆီ လက်ဖက်ရည်ဇွန်း တစ်ဇွန်းနှင့် ပျားရည် တစ်ဇွန်း ရောစပ်ပြီး တစ်နေ့ သုံးကြိမ်သောက်ပါက သက်သာစေ ပါသည်။ 

၂။ အပူလောင်ခြင်း၊ ရေနွေးပူလောင်ခြင်း၊ မီးပူလောင်ခြင်း၊ ထိခိုက်ရှနာများ ၌ အဆီ ကို ဝါဂွမ်းသန့်နှင့် ဆွတ် ၍ လိမ်းပေးပါက အနာကို လျင်မြန်စွာ ကျက်စေပြီး အရေပြား၌ အဖုထခြင်း၊ ပူခြင်း၊ စပ်ခြင်း၊ အသားအရေ ကို လောင်စေခြင်းများမရှိဘဲ ပကတိ အသားအရေ အတိုင်း ပြန်လည်ကောင်းမွန်ပါသည်။

 ၃။ ပန်းနာရင်ကျပ်၊ လေထိုးလေအောင့်၊ မီးယပ်ရောဂါ အမျိုး မျိုး၊ အသားအရေ ခန်းခြောက်ခြင်း၊ အစာမကြေခြင်း၊ ပျို့အန်ခြင်းရောဂါများတွင် အဆီကို တစ်ခါသောက် လက်ဖက်ရည်ဇွန်းတစ်ဇွန်း၊ တစ်နေ့ သုံးကြိမ်၊ အစား မစားမီ သောက်စေခြင်းဖြင့် သက်သာစေပါသည်။ 

၎။ အနာရွတ်များ၊ အကွက်များ၊ အရေပြားပေါ်တွင် အနာ အမျိုးမျိုးဖြစ်ပွားပြီး ကြမ်းတမ်းနေလျှင် အဆီ ကို တစ်နေ့ သုံးကြိမ် လိမ်းခြင်းဖြင့် သက်သာပျောက်ကင်း စေပါသည်။ 

၅။ နွေရာသီ၌ ကလေးများ အရေပြားပေါ်၌ ဖြစ်တတ်သော အပူနာ အမျိုးမျိုး၊ အနာစက်၊ ပြည်တည်နာ၊ အိုင်း၊ အလုံးအကျိတ်ငယ်လေးများကို ကမ်းဇော်ဆီနှင့် တိုင်းရင်းဆေးခန်းသုံး ဆေးအမှတ်-၄၃ နှင့် ရောစပ်ပြီး တစ်နေ့ သုံးကြိမ် လိမ်းပေးပါက သက်သာ ပျောက်ကင်းစေပါသည်။ 

၆။ ဒူလာ၊ လိပ်ခေါင်း စအိုကွဲနာ၊ ခြေကွဲနာ၊ သားအိမ်ရောဂါ များတွင် အဆီ တစ်မျိုးတည်းဖြင့် ဖြစ်စေ၊ ထောပတ်နှင့် ရောစပ်၍ ဖြစ်စေ လိမ်းပေးပါက အနာများကို အမြန် ကျက်စေ၊ ကျုံ့စေသည်။ 

၇။ အကြောရောဂါများ၊ ဇက်ခိုက်ခြင်း၊ ခါးနာခြင်း၊ အဆစ် အမျက် ကိုက်ခဲခြင်း၊ ရောင်ခြင်း၊ ထုံကျဉ်ခြင်း၊ အနာ မန်း ရှိပြီး ရောင်ရမ်းခြင်းတို့ကို တစ်နေ့လျှင် သုံးကြိမ် လိမ်းပေးခြင်းဖြင့် သက်သာပျောက်ကင်းစေပါသည်။ 

၈။ နားအူခြင်း၊ နားတွင်း အနာဖြစ်ခြင်း၊ နားလေထွက်ခြင်း၊ နားထဲတွင် အဆီများ ခမ်းခြောက်ခြင်း၊ တင်းခြင်း၊ ယားယံ ခြင်းများဖြစ်လျှင် ကမ်းဇော်ဆီကို နားထဲသို့ နှစ်စက်ခန့် နှစ်ကြိမ် ထည့်ပေးခြင်းဖြင့် သက်သာ ပျောက်ကင်းစေပါသည်။ 

၉။ အကျိတ်အဖုများ၊ အလုံးအကျိတ်များ၌ ကမ်းဇော်ဆီ နှင့် အနာမန်းကျစေသည့် လိမ်းဆေးတစ်မျိုးမျိုးနှင့် ဖြစ်စေ၊ တိုင်းရင်ဆေးခန်းသုံး ဆေးအမှတ်-၂၉ နှင့် ၄၃ တွဲစပ်ပြီး တစ်နေ့သုံးကြိမ် လိမ်းပေးပါက သက်သာပျောက်ကင်းစေပါသည်။ 

၁ဝ။ နာတာရှည် လူနာများ အိပ်ရာ အပူလောင်နာမဖြစ်မီ အရေ ပြား နီမြန်းနေပါက အဆီ ကို တစ်နေ့ ငါးကြိမ်ခန့် လိမ်းပေးခြင်းဖြင့် မူလ အသားအရေအတိုင်း ပြန်လည် ကောင်းမွန်လာပြီး အိပ်ရာနာ (Bed Sore) ဖြစ်ခြင်းမှ ၈ဝ ရာခိုင်နှုန်း ကာကွယ်တားဆီးနိုင်ကြောင်း စမ်းသပ် တွေ့ရှိပါသည်။ 

၁၁။ ဒေသခံပြည်သူများသည် အနာရောဂါကြီးများ ရောဂါ က ကျွမ်းနေပြီဖြစ်၍ ကုသမရနိုင်တော့ကြောင်း မဖြစ်ပွားစေရန် အဆီကို ထမင်းနှင့် နယ်စားခြင်း၊ နေ့စဉ် လက်ဖက်ရည်ဇွန်း တစ်ဇွန်း၊ တစ်နေ့ နှစ်ကြိမ် သောက်သုံးနေသူများကို တွေ့ရှိရပြီး အနာကင်းတာ အသက်ရှည်၍ ခွန်အားကို ဖြစ်စေပါသည်။ 

၁၂။ အဖျားတက်ပြီး အပူကြီးနေသူများကို ၁၅ မိနစ်ခြား တစ်ကြိမ် တစ်ကိုယ်လုံးကို ကမ်းဇော်ဆီ မကြာခဏ လိမ်းပေးပါက ကိုယ်ပူကျစေပြီး ကလေးများ၏ ကိုယ် ပေါ်၌ ခြင်ကိုက်ဖုများကို မကြာခဏ လိမ်းပေးပါက အနီစက်များ လျင်မြန်စွာ ပျောက်ကင်းကြောင်း တွေ့ရှိ ရသည်။ ကမ်းဇော်ဆီ အသုံးပြုစဉ် မလိုလားအပ်သော ဘေးထွက် ဆိုးကျိုးလက္ခဏာများ၊ အပြစ်များ မတွေ့ရှိ ရပါ။

xxx

ဒါတွေကတော့ ယနေ့ လူပြောများနေတဲ့ ကမ်းဇော်ဆီ နဲ့ ပတ်သက်တဲ့ အကြောင်းအရာ အကုန်ပဲ ဖြစ်ပါ သည်။ ကမ်းဇော်ဆီကြောင့် ရောဂါပျောက်ကင်းသွားကြတဲ့ ကင်ဆာ ဝေဒနာရှင်တွေ၏ ကိုယ့်တွေ့ဇာတ် လမ်း များ အများကြီး ရှိပါသေးသည်။ သို့သော်လည်း စာမျက်နှာကို ငဲ့ကွက်ပြီး ဒီလောက်နဲ့တင် ရပ်လိုက်တာဖြစ်ပါသည်။

ထပ်ဆင့်ပြောချင်သည်ကတော့ တစ်ကယ် သုံးကြည့်ပါ။ စစ်မှန်ဖို့တော့ အရေးကြီးပါသည်။ ဆရာစုံ၊ ငွေ ကုန်နေသူများ အတွက် နောက်ဆုံး ကောက်ရိုး တစ်မျိုးဖြစ်နိုင်တာမို့ စမ်းသပ် ကြည့်ကြပါဟု ပြောချင်ပါသည်။

ပြည့်နိုင်

Dr Shwe Tun