ဖိုးမောင်ကြီး
ဖိုးမောင်ကြီး အကြောင်းသာ ပြောရမယ်ဆိုရင် ကျွန်တော်တို့ရွာမှာ ပြောချင်သူက အများသား။ အရပ်ထဲက အိမ်တစ်ကာ လှည့်ပြီး အနှိပ်သည် လုပ်တဲ့ (အဓိက ကတော့ ရွာထဲက အတင်းအဖျင်း သတင်းစုံကို ဖြန့်ဝေပေးတဲ့) ဒေါ်စိန်လည်း ပါရဲ့။
တစ်နေကုန် မြင်းလှည်းမောင်း၊ ညနေစောင်းကျ ဦးဝေလာဆိုင်မှာ တစ်ခွက် တစ်ဖလား မော့တတ်တဲ့ ကိုကျော်မြင့်လို လူကလည်း ဖိုးမောင်ကြီး အကြောင်းသာဆိုရင် အရက်နဲ့မြည်းရင်း အဆီတစ်ထပ်၊ အသား တစ်ထပ်ပါပဲ။ ကိုကျော်မြင့် တစ်ယောက် ပြောလည်းပြော၊ သောက်လည်းသောက်နဲ့ နားထောင် တဲ့ လူတွေမှာတော့ ခေါင်းတမော့မော့နဲ့ပေါ့။
ကျောင်းဆရာလေး ကိုလေးလွင် ကလည်း မှတ်ချက်တစ်ခု ချဖူးတယ်။ “ရှားတယ်”တဲ့။ ရှားတယ် ဆိုတာ ဘာကိုဆိုလိုတာလဲ ဆိုတာကိုတော့ ဆရာလေးပဲ အသိဆုံး ဖြစ်မှာပါ။
ဖိုးမောင်ကြီး အကြောင်း လူတစ်ကာ ပါးစပ်ဖျားမှာ ဒီလောက် ရေပန်း စားနေတော့ ကျွန်တော်က ရယ်ချင်မိတယ်။ အဟုတ်လေ။ အကြောင်းက သူတို့ ပြောနေတဲ့ ဖိုးမောင်ကြီးဆိုတာက ကျွန်တော့်ဘကြီး အရင်းကိုး။
ဒါပေမယ့် ကျွန်တော် ကလည်း သူများခေါ်သလို ဖိုးမောင်ကြီးလို့ပဲ ခေါ်တာပါပဲ။ သူကလည်း အဲ့ဒီလိုခေါ်မှ ကြိုက်တယ်လေ။ သူ့နာမည်ရှေ့မှာ“ဦး”တို့၊ “ကို”တို့ တတ်ခေါ်ရင် သူက စိတ်ဆိုးတယ်။ တစ်ကယ်တော့  အမေတု့၊ိ ဖိုး မောင်ကြီး တို့က ဒီရွာဇာတိ မဟုတ်ပါဘူး။ ဒီရွာမြောက်ဘက် နှစ်တိုင်လောက်က ကန်ကြီးကုန်းရွာ ဇာတိပါ။ အမေတို့ မိဘများက အမေတို့ ငယ်ငယ်ကတည်းက တိမ်းပါးသွားရှာကြပါတယ်။ ကျွန်တော့် အဘိုးအဘွား ဆုံးချိန်မှာ အမေက ခုနစ်နှစ် သမီးပဲ ရှိသေးတယ်ဆိုပဲ။
အဲဒီကတည်းက လူပျိုပေါက်ဖြစ်နေတဲ့ ဖိုးမောင်ကြီးက ညီမလေးဖြစ်တဲ့ အမေ့ကို ပြုစုလုပ်ကျွေးခဲ့တာ။ အမေ အိမ်ထောင်ကျတဲ့အထိ ဆိုပါတော့။ အမေ့ကိုလည်း တုန်နေအောင် ချစ်ရှာတယ်။ ဖိုးမောင်ကြီးတစ်ယောက် ညီမကို ချစ်တာ တစ်ရွာလုံးက သြချယူရတယ် ဆိုပဲ။
မိဘတွေ တိမ်းပါးပြီး နောက်ပိုင်းမှာ အမေတို့မောင်နှမ မချောင်လည်ကြရှာပါဘူး။ ဒါပေသည့် ဆင်းရဲပေ မယ့် ဖိုးမောင်ကြီးက အမေ့ကို ခြေမွေး မီးမလောင်၊ လက်မွေးမီးမလောင် ထားတယ်။ အမေဆိုရင် အိမ်ထောင်ကျမှ ထမင်းချက် သင်ရတယ်လို့ ကျွန်တော့်ကို အမေ က ပြောဖူးတယ်။
မနက် အရုဏ်တက်တာနဲ့ ထမင်းဟင်း အပြည့်အစုံ ချက်ပြီး မှ ဖိုးမောင်ကြီး ကိုင်းထဲကို သွားတယ်။ သူ့ဆီ မနက်စာ ထမင်းတောင်း လာပို့ရင် သူ့ညီမလေး နေပူစပ်ခါးမှာ ပင်ပန်းရှာမယ် ဆိုပြီး မနက် အစောကြီးထဲက ထမင်းကို ထုတ်ပြီး ယူသွားတတ်တာ။ ကုန်ကုန်ပြောရရင် ညီမလိမ်းဖို့ သနပ်ခါးတောင် ကိုယ်တိုင် သွေးပေးရှာသတဲ့။
ရယ်စရာလည်း ကောင်း၊ သနားစရာလည်း ကောင်းတဲ့ အဖြစ်တစ်ခု ရှိသေးတယ်။ အမေ အပျိုဘော်ဝင်လို့ မိန်းမတို့ဘာဝ ပထမဆုံး ရာသီပန်းပွင့်တဲ့ အချိန်ပေါ့။ အမေကလည်း သိဖူး ကြားဖူးတာ မဟုတ်လေတော့။ ကြောက်ကြောက် လန့်လန့်နဲ့ အစ်ကို့ကို ဖက်ပြီး ငိုရှာတယ်။ ဘာပြောကောင်းမလဲ။ ဖိုးမောင်ကြီး တစ်ယောက် ညီမကို ပွေ့ပြီး ရွာဦးကျောင်းက ဦးဇင်း မောင်မောင် ဆီ ပြေးတော့တာပဲ။ ဦးဇင်း မောင်မောင်က ဆေးလေး ၀ါးလေးလည်း မတောက်တစ်ခေါက် ကုတတ်တာကိုး။ ဦးဇင်းခမျာလည်း မိန်းမ ကိစ္စ ဆိုတော့ ပြောဖို့က ခက်နေတုန်း ဦးဇင်းမယ်တော် ဒေါ်ရွှေဥက ၀င်ရှင်းတော့မှ ပြဿနာ ငြိမ်းတော့ ဆိုပဲ။
အဖေနဲ့ အကြောင်းပါလို့ ဒီရွာကို သျှောင်နောက် ဆန်ထုံးပါ ဆိုသလို အမေ လိုက်လာတော့ ဖိုးမောင်ကြီး တစ်ယောက် မျက်ရည်တုတ်တုတ် ကျပြီး ကန်ကြီးကုန်းမှာ ကျန်ခဲ့ရှာတယ်။ အဖေ့ကိုလည်း မှာရှာတယ်။ သူ့ညီမလေးကို ဘာအကြောင်းကြောင့်မှ မရိုက်ပါနဲ့တဲ့။ အမှားအယွင်း ရှိရင် သူ့ကို ပြောပါ။ သူ ဆုံးမ ပေးပါ့မယ်လို့ တောင်းပန်ရှာတယ်။
အဲ... အမေတို့ ဒီရွာ ရောက်ပြီး တစ်ပတ် လောက်ပဲ ကြာမယ်။ ဖိုးမောင်ကြီး ပေါက်ချလာရော။ အမေတို့နဲ့ အတူနေတော့ မလို့တဲ့လေ။ ကန်ကြီးကုန်းမှာရှိတဲ့ လယ်တွေ၊ ကိုင်းတွေလည်း ရောင်းခဲ့ပြီ ဆိုပြီး ပါသမျှ ငွေစတွေကို အဖေ့ကို အပ်တယ်။ သူ့ကိုလည်း ခိုင်းချင်ရာ ခိုင်းတဲ့။ အဖေကလည်း မွေးချင်းက မရှိ။ ဖိုးမောင်ကြီး ကိုလည်း အစ်ကိုရင်းလို ချစ်တာကြောင့် အိမ်တစ်မိုးအောက်ထဲ အတူနေသွားကြတာ ဖိုးမောင်ကြီး သေတဲ့အထိပါပဲ။
အဲဒါတွေက သူများတွေပြောပြလို့ ကျွန်တော် ကြားဖူးတဲ့ ဖိုးမောင်ကြီး အကြောင်းတွေပေါ။့ ကျွန်တော်ကိုယ်တိုင် ကြုံခဲ့၊ သိခဲ့ရတဲ့ ဖိုးမောင်ကြီး အကြောင်းက အခုမှ လာမယ်။
ကျွန်တော် လူမှန်းသိချိန်က စလို့ ဆယ်နှစ်သားလောက် အထိ ဖိုးမောင်ကြီး ဂုတ်ပေါ်မှာပဲ ကြီးခဲ့ရတာ။ မနက်မိုးလင်းတာနဲ့ ကျွန်တော့်ကို ဂုတ်ပေါ်တင်ပြီး ရွာထဲလျှောက်သွားတော့တာပဲ။ ထမင်းကျွေးလည်း သူ၊ ရေချိုးပေးလည်း သူပါပဲ။ တစ်ခါတစ်လေ ကျွန်တော် အဆော့လွန်လို့ အဖေက ငေါက်ရင် ဖိုးမောင်ကြီးက မကြိုက်ချင်ဘူး။
အမေ့ကို ချစ်သလို ကျွန်တော့်ကိုလည်း အရမ်းချစ်တယ်။ ကိုယ့်တူ ကိုယ့်သားကို ချစ်တာ ဆန်း တယ်လုိ့တော့ မဟုတ်ဘူး ပေါ။့ ဒါပေမယ့် ကျွန်တော် သိတတ်လာတဲ့အချိန်မှာ ဖိုးမောင်ကြီးရဲ့ အပြုအမူတွေက တော်တော့်ကို ဆန်းတယ်။
သာရေး၊ နာရေးနဲ့ ပတ်သက်လာရင် အားတက်သရော လုပ်ကိုင် ပေးတတ်တဲ့ လူမျိုး လောကကြီးမှာ အများသားပါ။ ဒီအထဲမှာ ဖိုးမောင်ကြီးလည်း တစ်ယောက် အပါအ၀င်လို့ ဆိုရမယ်။ ဒါပေမယ့် သူက တစ်မူဆန်းတယ်။ အလှူအတန်း၊ မင်္ဂလာဆောင်၊ ရှင်ပြု စတဲ့ စတဲ့ သာရေးကိစ္စတွေကို သူ စိတ်မ၀င်စားဘူး။ အတင်းအကျပ် ခေါ်လွန်းမက ခေါ်ရင်တော့ သွားပါတယ်။
ကျွန်တော် သိတတ်တဲ့ အရွယ်မှာ ဖိုးမောင်ကြီး အသက်ငါးဆယ်ကျော်ပြီ။ ဒါပေမယ့် ခုနကလို သာရေး ကိစ်္စမျိုး သွားရရင် ဘယ်တော့မှ အိမ်ဦးခန်း တက်မထိုင်ဘူး။ ချက်ပြုတ်၊ ကြော်လှော်၊ ထင်းခွဲ၊ ရေခပ် စတဲ့ အောက်ခြေ သိမ်း အလုပ်တွေကို လူငယ်တွေနဲ့အတူ ၀င်လုပ်တော့တာပါပဲ။ အလှူ့ရှင်က အားနာလို့ မလုပ်ပါနဲ့လို့ တောင်းပန်ရင် “ကုသိုလ် ယူပါရစေလို့” ပြုံးပြုံးကြီး ပြန်ပြောတတ်တယ်။
ရွာဦးကျောင်းက ဆရာတော် ဦးမှို ဆိုရင် ဖိုးမောင်ကြီးကို ဖူးဖူးမှုတ်ပေါ့။ ကျောင်းဝိုင်းထဲ တံမြက်လှည်း တာကအစ၊ ကျောင်းက ကုဋီတွေ၊ အိမ်သာတွေ အားလုံး ရေဖြည့်၊ သန့်ရှင်းရေးလုပ်၊ ဒုတ်ခနောင်းဆေး စတဲ့ကိစ္စတွေ အားလုံး သူ့တာဝန်လို့ ဖိုးမောင်ကြီးက သူ့ကိုယ်သူ သတ်မှတ်ထားတာကလား။
ကဲ... ဖိုးမောင်ကြီးရဲ့ အထူဆန်းဆုံး ၀ါသနာကို ခုမှ ပြောမယ်။ သာရေးကိစ္စမှာ သိပ်အားတက်သရော မရှိလှတဲ့ ဖိုးမောင်ကြီးတစ်ယောက် ရွာထဲမှာ နာရေးများ ရှိပြီဆိုရင် အဲဒီအိမ်ကို သူ အရင်ဆုံးရောက်တော့တာပဲ။ အလောင်းရေချိုး၊ အသုဘပြင် က အစ မြေကျတဲ့အထိ သူ အကုန်လုပ်တာ။ သက်ပျောက်ဆွမ်းတို့၊ ရက်လည် ဆွမ်းတို့ စတာတွေ ချက်ပြုတ်လုပ်ကိုင်တဲ့ နေရာမှာလည်း သူ့ခြေ သူ့လက်ချည်းပဲ။
အလောင်းရေချိုးတာတို့၊ အလောင်းပြင် တာတို့ကို ကာယကံရှင်က အကူအညီ တောင်းလို့ လုပ်တာမဟုတ်ဘူး။ သူ့သဘောနဲ့သူ ၀င်လုပ်တာ။ ရွာထဲက ချောင်လည်တဲ့ အတန်းမျိုးမှာလည်း ပါ၊ သူကြီးယောက်ဖလည်း ဖြစ်တဲ့ (အဲဒီအချိန်မှာ အဖေက သူကြီးဖြစ်နေပြီ) ဖိုးမောင်ကြီးတစ်ယောက် ဒီလိုကိစ္စတွေ ၀င်လုပ်တော့ အမေက နည်းနည်း ရှက်ချင်တယ်။ ဒီတော့ ဖိုးမောင်ကြီးကို ဟန့်တယ်ပေါ့။ ဒီအခါမျိုးမှာ “ငါ စိတ်ချမ်းသာသလို နေပါရစေ လုံမရယ်” လို့ ခွင့်တောင်းသလိုလို တောင်းပန်သလိုလိုနဲ့ ပြောတတ်ရှာတယ်။ ဖိုးမောင်ကြီးက အမေ့ကို လုံမ လို့ ခေါ်တတ်တယ်လေ။
အဲဒီလိုနဲ့ ကြာလာတော့ ရွာထဲက လူတစ်ချို့က ဖိုးမောင်ကြီး ကွယ်ရာမှာ မသာ ကန်ထရိုက်လို့ သူ့ကို ခေါ်ကြတယ်။ သူ့လည်း ပြန်ကြားတာပဲလေ။ ဒါပေမယ့် စိတ်မဆိုးတဲ့ အပြင် ကျေကျေနပ်နပ်ကြီး ပြုံးနေ တတ်တယ်။
တစ်ခါက ရေဆိပ်ဝ က ဘကြီးခို ဆုံးတယ်။ ကျွန်တော်တို့ ရွာနာမည် က သခွပ်ချောင်းလို့ ခေါ်တယ်။ ရွာဘေးက ပတ်စီးနေတဲ့ ချောင်းကလည်း ဒီနာမည်ပါပဲ။ အဲ... ရွာမြောက်ဘက်ကနေ ချောင်းထဲကို ဆင်းတဲ့နေရာကို ရေဆိပ်ဝ လို့ ခေါ်ကြတယ်။ အဲဒီရေဆိပ်ဝ က ဘကြီးခို ဆုံးတော့ ကျန်ခဲ့တဲ့ သားသမီးတွေက အမွေ လုကြရော။ ကျွန်တော်တို့ အရပ်မှာရှိတဲ့ ထုံးစံတစ်ခုက လူတစ်ယောက်သေရင် ကျန်ရစ်တဲ့ သားသမီးတွေ အမွေခွဲပြီးမှ အလောင်းမြေချရတယ်။ ဒီဓလေ့မျိုး အညာက အချို့အရပ်တွေမှာလည်း ရှိတယ်လို့ ကြားဖူးတာပဲ။
ဒီလိုနဲ့ အမွေခွဲလိုက်ကြတာ ဆယ်ရက်၊ ဆယ်နှစ့်ရက် ကျော်လာတယ်။ အလောင်းကိုတော့ အိမ်ရှေ့မှာ စင်ထိုးပြီး ပြင်ထားကြတာပေါ့။ ရက်က ကြလာတော့ အလောင်းက ပုပ်ပွပြီး အပုပ်ရည်တွေ ယိုကျတာ မြင်မကောင်း၊ ရှုမကောင်းဘဲ။ အနံ့အသက်ကလည်း တစ်ရွာလုံး မခံနိုင်တော့ဘူး။ နောက်ဆုံး မတတ်သာ လို့ အဖေတို့ ရွာလူကြီးတွေ ၀င်ရှင်းမှ အမွေကိစ္စ ပြတ်တော့တယ်။
အဲဒီမှာ အလောင်း မြေချဖုိ့ ကိစ္စ ပေါ်လာပြီ။ ဒီလောက် ပုပ်ပွ နံစော်နေတဲ့ အလောင်းကြီးကို ဘယ်သူမှ မကိုင်ချင်ကြဘူး။ ဒီတာဝန်ကို ကျေကျေ နပ်နပ်ကြီး ယူတဲ့သူကတော့ ဖိုးမောင်ကြီးပဲပေါ့။ အလောင်းကို ခေါင်းထဲ ရောက်တဲ့ အထိ သူတစ်ယောက်တည်း လုပ်တယ်။ ပြီးတော့ သင်္ချိုင်း အရောက် ဘကြီးခိုသား အငယ်ကောင် ကိုတိုးနဲ့ နှစ်ယောက်တည်း ထမ်းချတယ်။ တစ်ခြားလူတွေက မထမ်းချင်ဘူးလေ။
နှစ်ယောက်တည်း ဆိုတော့ ပခုံးနဲ့ ထမ်းမဖြစ်တော့ ခေါင်းနဲ့ရွက်ပြီး သယ်ရတယ်။ အလောင်းက အတော် ပုပ်နေလေတော့ အရည်တွေက ခေါင်းကြားက စိမ့်ပြီး ဖိုးမောင်ကြီး ပေါ်စီးကျတာ ပုဆိုးထိအောင် စိုတယ်ဆိုပဲ။ အဲ့ဒီလောက် အထိ နာရေးကိစ္စမှာ ဖိုးမောင်ကြီး တစ်ယောက် အားသန်ရှာတယ်။
ကျွန်တော့် တစ်သက်နဲ့ တစ်ကိုယ် ဖိုးမောင်ကြီး မျက်ရည်ကျတာ တစ်ခါပဲ ကြုံဖူးတယ်။ အဲဒီတုန်းက ကျွန်တော်က ကိုရင်ဝတ်ကြီးနဲ့။ တောင်ပိုင်းက ဒေါ်ဖွားရှင် သမီးလေး အေးဘုံ ရေနစ် သေတယ် ကြားတော့ ကျွန်တော်လည်း ဖြစ်တဲ့နေရာကို သွားစပ်စုတာပေါ့။ ကောင်မလေးက ခုနစ်နှစ် သာသာလောက်ပဲ ရှိသေးတာ။ သေတဲ့သူက သေပြီ။ ဒါပေမယ့် ပြဿနာက မပြီးဘူး။ ဘာလဲဆို တော့ ခုနင်က ကျွန်တော်ပြောခဲ့တဲ့ ကျွန်တော်တို့အရပ်ရဲ့ ဓလေ့။
ကျွန်တော်တို့အရပ်က ရွာပြင်သေတဲ့ မသာ ရွာထဲမသွင်းဘူး။ ရေမှာ သေတဲ့သူ မြေပေါ်မမြှုပ်ရဘူး။ ဘာမှ မပြင်မဆင်ဘဲ ဒီအတိုင်း ရေမှာ မျှောရ တယ်တဲ့။ ဒီလိုမှ မဟုတ်ရင် ရွာနာတယ်ဆိုပဲ။ ကဲ... မခက်လား။ အဲဒီတော့ အေးဘုံ အလောင်းကို ထုံးစံ အတိုင်း ရေမျှောရတာပေါ့။ ကာယကံရှင် ဖြစ်တဲ့ ဆွေမျိုး တစ်သိုက် ကတော့ ငိုကြယိုကြနဲ့ ၀က်ဝက်ကို ကွဲရော။ ဒီအထဲ ဆွေမျိုး တစ်သိုက်နဲ့အတူ ရှိုက်ကြီးတစ်ငင် ၀င်ငိုနေတာက ဖိုးမောင်ကြီးပဲပေါ့။
သူ့မျက်စိအောက်တင် ဆော့ကစားနေတဲ့ ကလေးမလေး ။ ဒီကလေးမလေး နောက်ဆုံးခရီးမှာ လှလှပပ ဖြစ်အောင် သူ လုပ်ပေးချင်ရှာမှာပေါ့လေ။ ငိုတာမှ အဆွေအမျိုး တစ်ယောက် သေသလို ထိထိခိုက်ခိုက်ကြီးကို ငိုတာ။ ကျွန်တော့်ဘကြီး ဖိုးမောင်ကြီးဆိုတာ အဲလိုလူမျိုး။
နောက်ဆုံးပြောချင်တာက အဲ...နောက်ဆုံးဆိုတာက ကျွန်တော်ပြောနေတဲ့ အကြောင်းအရာရဲ့ နောက်ဆုံးရော၊ ဖိုးမောင်ကြီးဘ၀ရဲ့ နောက်ဆုံးအချိန် ရော ဆိုပါတော့။
အဲဒီနေက ကျွန်တော်တို့ ရွာ အထက်ဘက် လက်ပံလှ က ချောင်းအတိုင်း စုန်လာတဲ့ ဘောက်တူတစ်စီး။ ကျွန်တော်တို့ရွာနားအရောက် ၀မ်းကွဲပြီး လှေနစ်ကော။ ကူးကြ ခတ်ကြ၊ အော်ကြဟစ်ကြနဲ့ပေါ့။ နောက်ဆုံး စာရင်းချုပ်တော့ လှေပေါ်က လူတစ်ယောက်မှ အသေအပျောက်မရှိဘဲ ဖိုးမောင်ကြီး တစ်ယောက်ပဲ ထူးထူးခြားခြား သေရရှာတယ်။
ဖြစ်ပုံက ဒီလို။ လှေကွဲပြီး ကယ်ပါယူပါနဲ့ အော်နေတဲ့ အချိန်၊ ချောင်းစပ်မှာ ရေချိုးနေတဲ့ ဖိုးမောင်ကြီး ကေ ရထဲမှာ မြှုပ်ချီ ပေါ်ချီ ဖြစ်နေတဲ့ ကိုယ်ဝန်သည် တစ်ယောက်ကို ဆင်းကယ်တယ်။ နောက်ဆုံး ကမ်းနားအရောက် ကိုယ်ဝန်သည်ကို မသေမပျောက် ပို့ပေးပြီးရော ခြေမျက်စိလောက်ရှိတဲ့ ရေထဲမှာ ဖိုးမောင်ကြီး လဲကျသွားတော့တာပဲ။ အဲဒီမှာတင် အသက်ထွက်ရှာတယ်။ အမော ဆို့တာမျိုး ဖြစ်မယ် ထင်ပါရဲ့။
ဒီမှာတင် ပြဿနာ စတော့တာပဲ။ ဖိုးမောင်ကြီး ရေထဲမှာ သေတာ လား၊ ကုန်းပေါ်မှာ သေတာလား။ ရေထဲ မျှောမလား၊ မြှုပ်မလား။ ၀ိဝါဒတွေ အမျိုးမျိုး ကွဲကြ၊ ငြင်းကြခုန်ကြပေါ့။ ဖိုးမောင်ကြီး အလောင်းကိုတော့ ကမ်းစပ်တင် ငုတ်ရိုက်ပြီး လက်နဲ့ ငုတ်တိုကြိုးနဲ့ တွဲချည်ထားရတယ်။
လူဆိုတာမျိုးက သေမျိုးချည်း မဟုတ်မလား။ အဲတော့  လူထဲက လူတွေဖြစ်တဲ့ ကျွန်တော်တုိ့ ရွာက လူ တွေ လည်း သေခြင်းတရားနဲ့ မကင်း နိုင်ကြပါဘူး။ သေခြင်းတရားနဲ့ မကင်းတဲ့ ကျွန်တော်တို့ရွာသားတွေ အဖို့ ဖိုးမောင်ကြီးနဲ့လည်း ဘယ်ကင်းနိုင်ပါ့မလဲလေ။ သူတို့ အဆွေအမျိုးထဲက တစ်ယောက်ယောက်ရဲ့ နာရေးနဲ့ ပတ်သက်လို့ ဖိုးမောင်ကြီး အကူအညီကို ခံခဲ့ရသူချည်းပါ။
ကဲ... အခု ဖိုးမောင်ကြီး နာရေးနဲ့ ကြုံပြီ။ ဘာလုပ်ကြမလဲ။ လူကြီး တွေကလည်း ပြောကြဆိုကြ၊ လူငယ်တွေ ကလည်း ငြင်းကြခုန်ကြ၊ ရေမျှောမလား၊ မြေမြှုပ်မလား။ သူများ အသုဘမှာ လှလှပဖြစ်အောင် လုပ်ပေးခဲ့တဲ့ ဖိုးမောင်ကြီးကို သူ့နောက်ဆုံး ခရီးမှာ လည်း လှလှပပ ဖြစ် စေချင်တဲ့ ဆန္ဒက တစ်ရွာ လုံးရဲ့ ရင်ထဲမှာ ရှိကြ မှာပါ။
ဒါပေမယ့် ဓလေ့ ထုံးစံဆိုတာကလည်း ရှိသေးတယ်မို့လား။ တစ်ချို့ ကလည်း ရွာနာမယ်၊ ခိုက်မယ်ဆိုပြီး ရေမှာပဲ မျှောစေချင်ကြတယ်။ ရေထဲ သေသလား၊ ကုန်းပေါ်သေသလားနဲ့ ငြင်းခုန်နေကြတာ ဖိုးမောင်ကြီး အလောင်း လည်း ရုပ်ပျက်ဆင်းပျက်ကို ဖြစ်နေပြီ။ နောက်ဆုံး အဖေကပဲ သူကြီးအနေနဲ့ဝင် အဆုံးအဖြတ် ပေးရတယ်။ ရေထဲမှာ သေတယ်၊ ရေမှာမျှောစေ။ ယောက်ဖ ဖြစ်နေတော့ လက်ရင်း နာနာထောင်းတဲ့ သဘောပါ။ ကျွန်တော် မှတ်မိတယ်။ အဖေ ဒီစကားကို ပြောတဲ့အချိန်မှာ အဖေ့မှာ မျက်ရည်တွေ ပေါက်ပေါက် ပေါက်ပေါက်နဲ့။
ဖိုးမောင်ကြီး အသုဘဟာ ရွာမှာတော့ အစည်ကားဆုံးပဲလို့ ဆိုစမှတ် ပြုကြပါတယ်။ ကမ်းလုံးညွတ်နေအောင် ရွာသူရွာသားတွေ လာကြတာ။ ရွာလုံး ကျွတ်ပဲလို့တောင် ကျွန်တော် ထင်မိတယ်။
သရဏဂုံ တင်တဲ့ အချိန်ကျတော့ ဆရာတော် ဦးမှိုဟာ ကမ်းနဖူးပေါ်မှာ ရွာက ပြင်ဆင်ထားတဲ့ သံဃာစင်ပေါ်မှာ မထိုင်ဘူး။ ဖိုးမောင်ကြီး အလောင်း ရှိနေတဲ့ ရေစပ်စပ် ဗွက်တောထဲမှာ ထိုင်ပြီး နောက်ပါသံဃာတွေ နဲ့အတူ သရဏဂုံ တင် ပေးရှာတယ်။ သိပ်ကို တည်ကြည် ခံ့ညားတဲ့ ဆရာတော့် မျက်နှာဟာ အဲဒီနေ့က သိသိ သာသာ ကြီး ညှိုးနေပါတယ်။
အမေဆို မြေမှာ လိမ့်နေတာပဲ။ နောက်ဆုံးမတော့  ဖိုးမောင်ကြီး အလောင်း ကို ချည်ထားတဲ့ ကြိုးဖြတ်၊ ၀ါးလုံးနဲ့ ထိုးပြီး ရေမှာ မျှောလိုက်ကြတယ်။ အသုဘရှု ပရိသတ်ကတော့ ငိုသူငို၊ ရှိုက်သူရှိုက်နဲ့ပေါ့။ ဖိုးမောင်ကြီး ခမျာမတော့ ကားကားရားရားကြီးနဲ့ ပေါလောကြီး ရေထဲမှာ မျောသွားရှာတယ်။
အင်းလေ... ဒါက ဓလေ့ထုံးစံပေပဲကိုး။
ဇင်ဝိုင်း
ရွှေအမြုတေ ရုပ်စုံမဂ္ဂဇင်း၊ အမှတ် ၅၀၊ ဒီဇင်ဘာလ၊ ၁၉၉၃
Comments
Post a Comment