ငါး သုံးကောင် နှင့် သားအဖ နှစ်ယောက်

“ အဖေ အဖေ ဘညို ဘညို ” အိမ်ရှေ့ ကွပ်ပစ်၌ ခြေပစ်လက်ပစ် အိပ်မောကျ နေသော ကိုညိုဒင်ကို ရွှေဘ လှုပ်နှိုးလိုက်သည်။ ကိုညိုဒင် ကိုယ်ကိုလူးလွန့်၍ တစ်ဘက်သို့ လှည့်စောင်းသွားပြန်သည်။ ရွှေဘကလည်း ထပ်ပြန် တစ်လဲလဲ လှုပ်၍ နှုတ်ကလည်း ဒရစပ်ခေါ်နေ၏။ “အင်” ဟု ခပ်တိုးတိုး ညည်းတွားရင်း ကိုညိုဒင် ငုတ်တုတ် ထထိုင်လိုက်ကာ မျက်လုံးနှစ်ဖက်ကို ပွတ်သပ်ပြီး လည်ပင်းမှ ချွေးများကို လုံချည်ဖြင့် သုတ် လိုက်၏။ 

“ဘာလဲ ရွှေဘ၊ ဘာအရေးကြီးလို့ လဲ”။ “ဟာ အဖေကလည်း နေစောင်းရင် ငါးတန်းသွားချမယ်ဆို၊ အဖေပဲ မနက်က မှာထားပြီး၊ ခု ဘယ်အချိန်ရှိပြီလဲ ကြည့်အုန်း”။ ကိုညိုဒင် ဘုရားစင်ပေါ်က စားပွဲတင် နာရီဝိုင်းလေးကို ကြည့်လိုက်တော့ လေးနာရီစွန်းနေပြီ။ “အိမ်အောက်က ပွဲ့လျက်နဲ့ ရေနံချေးပုံး ထုတ်ထားကွာ။ ငါး တန်းကြိုးနဲ့ ငါးစာတွေရော မင်းပြင်ထားပြီးပြီလား”။ 

“အင်း” ရွှေဘ သူ့ အဖေ ခိုင်းသည့်အတိုင်း အမှားအယွင်း ကင်းအောင် ဂရုတစ်စိုက်လုပ်နေသည်။ “ပက် ခွက် လည်း မကောင်းတော့ဘူးကွာ။ အုန်းမှုတ်ခွက် ခပ်ကြီးကြီး တစ်ခွက်လောက်လည်းရှာခဲ့၊ မရှိရင် အုန်းခင်တို့ အိမ်သွားယူ။ အုန်းခင် မိန်းမ ထန်းသီးမုန့်လုပ် ရောင်းနေတော့ သူတို့ အိမ်မှာ ရှိနိုင်တယ်”။ ရွှေဘ ထွက်သွားစဉ် ကိုညိုဒင် အိမ်ပေါ်တက်ပြီး ဆေးပေါ့လိပ် ၄ လိပ်၊ မီးခြစ်နှင့် ကြေးကွမ်းအစ်လေးကို လွယ်အိတ်ထဲ ထည့်၏။ 

ဘုရားစင်ထောင့်က ၀ါးကျည်တောက်ထဲမှ ငွေ ၁၀၀ ကိုလည်း လွယ်အိပ်ထဲ ထိုးထည့်လိုက်ပြန်သည်။ ကိုညိုဒင် အိမ်ရှေ့ ထွက်လာတော့ ရွှေဘ အုန်းမှုတ်ခွက် နှစ်ခွက်ကိုင်၍ ၀င်လာသည်။ “မင်း အမေ ဘာမှာ သွားသေး လဲ”။ “ဘာမှ မှာမသွားဘူး၊ ထန်းတောစပ်မှာ ငါးကြွေး သွားတောင်းအုန်းမယ်လို့ ပြောတာပဲ” ။ “သွား မယ် လာ”။

ကိုညိုဒင်တို့ သားအဖ လမ်းမထိပ်တွင် ကျောင်းဆင်းချိန်နှင့် ပက်ပင်း တိုးသည်။ ရွှေဘ သူငယ်ချင်း သုံးကောင် က ရွှေဘ ကို ခြေဟန် လက်ဟန် လုပ်ပြကြ၏။ ကိုညိုဒင် နားမလည် မရိပ်မိ၊ မြင်တော့ မြင်လိုက်၏။ ရွှေဘ ကို အကဲခတ်စွေကြည့်လိုက်တော့ သွားနှင့် ဆိုသည့် လက်ဟန်ပြနေသည်။ ရွှေဘခေါင်းငိုက်စိုက်နှင့် ဖြေးဖြေး မှန်မှန်လျှောက်လိုက်လာသည်။ 

ဒီကောင် သူ့ သူငယ်ချင်းတွေ ကျောင်းဝတ်စုံတွေနှင့် ကျောင်းကပြန် လာတာတွေ့ လိုက်ရလို့  စိတ်မကောင်းဖြစ်သွားသလား ကိုညိုဒင် စဉ်းစားမိသည်။ အို သူပဲ ကျောင်းမတက်ချင် ဘူးပြောတာပဲ၊ ရေးတတ် ဖတ်တတ်နေပြီပဲ။ ဆရာကြီး ဦးခိုင်ဆီမှာ အားရင် သူသွားစာအံနေတာပဲလေ။ ကိုညိုဒင် ကွမ်းတစ်ယာ ထုတ်ဝါးရင်း လှော်တက်မကြီးကို ညာဘက်ပြောင်းထမ်းလိုက်၏။

မြစ်ကမ်းနဖူးရောက်တော့ သူ့ လှေမှောက်ထားသည့် ချောင်းဝ ကမ်းစပ်ဘေးတွင် ကိုတင်ငွေတို့  သား အဖ တစ်သိုက်နှင့် ဆုံသည်။ ကိုတင်ငွေတို့ သားအဖ တစ်သိုက် နွားစာမြက် ရိတ်ပြန်လာကြခြင်းဖြစ်၏။ မြစ် အထက် ဘက်ကို အဆန် အတိုင်း ၂ မိုင်လောက် တက်သွားပြီး မြက်ထူသည့်မြေနုကျွန်းပေါ်တက်၍ နေကုန် ရေခမ်း ရိတ်ကြရသည်။ လိုသလောက်ရမှ ရေကြောင်းအတိုင်းပြန်စုန်ဆင်းလာခဲ့ခြင်းဖြစ်သည်. 

`ဟကောင် ညိုဒင်ကြီး၊ မတွေ့ တာတောင်ကြာပြီ။ မင်း ငါးရော လုပ်သေးလား`။ `ငါက တံငါပဲ ဥစ္စာ၊ ငါး မ လုပ် လို့  ထွေးရီလင် လုပ်ရမှာလား”။ “နောက်ကျသွားပါပြီ ညိုဒင်ရာ၊ စိတ်လျှော့ စိတ်လျှော့၊ ထွေးရီ က ခလေးတောင် လေးကောင်ရနေပြီ။ အထီးတွေချည်း မောင်ညိုဒင်၊ အကြီးဆုံးကောင်တောင် ကာလသားပေါက် ဖြစ်နေ ပြီ မဟုတ်လား၊ တရား နဲ့ ဖြေလိုက်ပါညိုဒင်ရာ။ ဟား ဟား ဟား” ။ 

ကိုတင်ငွေ ကိုညိုဒင် ကို တစ်ဟားဟား ရယ်မောရင်း နောက်ပြောင်နေသည်။ ထွေးရီ က ထနောင်းကုန်း မြေနု ကျွန်းရွာသူ။ ကိုင်းတောင်သူ သမီး။ သူ့  ရွာတွင် သူ့  ရုပ်ရည် ကလေးနှင့်သူ၊ ကွမ်းတောင်ကိုင်။ မြို့ မှာ ကျောင်း လာတက်နေသူ၊ ထနောင်းကုန်း ကိုင်းတောဘက် ကိုတင်ငွေ တို ၊့ ကိုညိုဒ င်တို့  နွားစာသွား ရိတ်ရင်း တခြား ရွာသားတွေနှင့် ထွေးရီကို အပြိုင်ပိုးခဲ့ကြသည်။ 

 မြို့ က ဘကြီး အိမ်မှာနေရင်း ထွေးရီက ကျောင်းတက် သူ ဆိုတော့ ညဘက် ထွေးညို သီချင်းဖြင့် ထွေးရီ ဘ ကြီး အိမ်ရှေ့  ကိုတင်ငွေ လူပျိုလှည့်တိုင်း ကိုညိုဒင် တို့ ၊ အုန်းခင် တို့ က လိုက်ရသည်။ ထွေးရီ မိဘတွေက  အသောက် အစား လောင်းကစား ကင်းပြီး ပျော်ပျော်နေတတ်သည့် ကိုတင်ငွေ့ ကို သဘောကျကြသည်။ ကိုတင်ငွေ ကလည်း လှည်းသမား မျိုးရိုး ဆိုပေမဲ့ ရိုးရိုး သားသား ရှာဖွေစားသောက် ကြသည့် လှည်းသမားမိသားစုမှ ဆင်းသက်လာသူ။ 

ဘာသာရေးနှင့် ရပ်ရေး ရပ်ရွာရေး ကိစ္စများတွင် ရှေ့ က ဦးဆောင်ဦးရွတ် လုပ်ကြကိုင်ကြသူတွေ။  ထွေးရီ က ရိုးရိုး ထုံထုံ၊ ကျောင်းစာလည်း မတော်။ ခြောက်တန်း တစ်ခါကျတော့ တင်ငွေနှင့် ကြိုက်စ။ နှစ်ခါ ဆက်ကျတော့ ကိုတင်ငွေ က သူ့  မိဘတွေကို တောင်းခိုင်းပြီး ယူလိုက်သည်။ ကိုတင်ငွေ တို့ မိသားစုလေး မှာ မ ကြွယ် ၀သော်လည်း အတော်အသင့် ပြည်စုံသည်။ ထွေးရီ ကလည်း ရိုးထုံသော်လည်း အိမ်မှု ကိစ္စကိုတော့ နိုင်နိုင်နင်းနင်းရှိသည်ဟု ပြောရမည်။ 

အလှူ အတန်းဟေ့ ဆိုလျှင်လည်း မျက်နှာ မပျက်တတ်သည့် လင်မယား။ ကိုညိုဒင် တို့ ၊ ကိုတင်ငွေ တို့  က လည်ပင်းဖက် ငယ် ပေါင်းကြီးဖော်တွေလည်းဖြစ်ကြ၍ ပြောမနာ ဆိုမနာ။ တစ်ယောက် အကြောင်း တယောက် သိကြသူချင်း တစ်ေ ယာက် အခက်အခဲ ကို တစ်ယောက်က ယိုင်းပင်း ကူထောက်စမြဲ။ ကိုညိုဒင် တို့ အချုပ် ကျ တရားရင် ဆိုင်နေရစဉ်က တရားရုံး ထုတ်တိုင်း ကိုညိုဒင် တို့ ကို စီးကရက်လေး၊ ကွမ်းထုပ်လေးများဖြင့် လာလာ အားပေး စကားပြောရှာသည်။ 

ကိုတင်ငွေတို့  မိသားစု က ကမ်းနားလမ်း ပေါ်တွင်နေသည်။ ကိုညိုဒင် တို့ နှင့် တစ်ရပ် ကွက်ထဲ မဟုတ်။ ကိုညိုဒင် တို့  ငါးလုပ်ချိန် မြစ်ကမ်းဘေး တဲ အစီအရီ ထိုးနေကြပြီဆိုလျှင် ကိုတင်ငွေ တို့ အိမ် နောက်ဘက်တွင် ဖြစ်သည်။ မြစ်ရေကြီးချိန် ကိုညိုဒင် တို့ ကုန်းပေါ်ရှိ အိမ်ကလေးသို့ ပြန်တက်နေသည့်အခါ လှေကို ကိုတင်ငွေ တို့ ထံ အပ်ထားရသည်။ ကိုတင်ငွေ့ အိမ် နောက်ဘက် ချောင်းဝ တွင် လှေဆိပ် သဖွယ် တံငါ အလုပ်လုပ်သည့် ကိုညိုဒင် တို့ လူသိုက်၏ လှေကလေးများ ချိတ်ဆက်သီ ဆိုက်ကပ်ထားသည်ကို တွေ့ ရမည်။

ကိုတင်ငွေ့ သား အကြီး လူပျိုပေါက်ကောင်က နွားစာလှောင်သည့် အိမ်နောက်ဘက် တင်းကုတ်တွင် ညအိပ်ညနေ နေသည့် အတွက် ဒီကောင်က လှေကလေးများကို ညရေး ညတာ စောင့်ကြည့်ပေးရှာသည်။ လှေစောင့် ခ တစ်ပြား တစ်ချပ်မှလည်း ပေးစရာမလို။ မိတ်ဆွေ စိတ်ဖြင့် စောင့်ရှောက်ကူညီကြသည့်လောက ၀တ်။ 

ကိုညိုဒင် တို့ အရပ်တွင် လှေခိုး သည်၊ လှေပျောက်သည် ဆိုသည် မရှိ။ လှိုင်းထန်လွန်း၍ ကြိုးပြတ်ကာ လှေ မျောသွားသည်ကို မသိလိုက်ရင်တောင် နောက်နေ့  မြို့ အောက်ဘက် တစ်ရွာရွာက လှေဆယ် ထားကြောင်း ရွာနီး ချုပ်စပ် အကြောင်းကြားလာကြသည်။ လှေပိုင်ရှင်က လာယူ။ ရေအဆုံး ကုန်းတစ်ဝက် သဘောမျိုး လှေ ဆယ်ထားသူကို လှေပိုင်ရှင် က မေတ္တာ သဒ္ဒါကြေး ဘယ်ရွေ ဘယ်မျှ မဟုတ် ကျေးဇူးတုန့်  ပြန်ကြ သည့် သဘာဝ။

ကိုတင်ငွေတို့ သားအဖ နွားစာမြက်ထုံးများ ထမ်းကာ နွားစာ တင်းကုတ်ဆီကို တက်သွားကြ၏။ ကိုညိုဒင် ရရာ ထင်းခြောက် ကလေးများကောက်၍ မီးဖိုလိုက်သည်။ ရွှေဘ ထမ်းလာသော ဂုံနီအိတ်ထဲမှ တီတူး သည့် သံတူရွင်း တိုလေးကို ဆွဲထုတ်၍ မီးဖိုထဲ ထိုးသွင်းလိုက်သည်။ ပွတ်ညက် အနည်းငယ်နှင့် ရေနံချေးပုံးကို ဖွင့်ပြီး အုတ်မှုတ်ခွက် တစ်ခုထဲတွင် ထည့်၍ ပယ်ပယ် နယ်နယ် နှယ်နေ၏။ 

ပွဲ့ လျက်ပျော့လာမှ ဆွဲ၍ ဆွဲ၍ လိမ်လိုက်၊ နှယ်လိုက် လုပ်နေ၏။ ကိုညိုဒင် သူ့ စိတ်တိုင်းကျ ပွဲ့ လျက် ကို နှယ်ပြီးသော အခါ မီးဖိုထဲမှ မီးဖုတ် ထားသည့် သံတူရွင်းတို ကို ဆွဲထုတ် လိုက်ပြီး လှေစပ်ကြောင်းများကို အပူလိုက်ကပ်သည်။ ခန ခန ဒုက္ခပေးနေသည့် ရေယိုသည့် လှေဝမ်းဗိုက်နေရာကို အသေအချာ စေ့စေ့ စပ်စပ် သံတူရွင်း တိုဖြင့် အပူကပ် ပေးနေသည်။ လှေတွင် ရှိပြီး ပွတ်ညက်ခြောက်ဖတ်များမှာ မီးအပူနှင့်တွေ့ ထိမိပြီး ပျော်အိ လာကာ လတ် လတ်ဆတ်ဆတ် လှေထေး လိုက်သကဲ့သို့ ပေါက်အာနေသောလှေစပ်ကြောင်းများမှာ ပြန်လည် ပိတ်ဆို့ သွား သည်။ 

သို့ ဖြင့် ကိုးတောင်လှေကလေး တစ်လှေလုံး သံတူရွင်းပူ ကပ်ပြီးမှ စပ်ကြောင်း တစ်ချို့ တွင် ရေစိမ့်ဝင် ပေါက်ဖြစ်နေသည့် နေရာ တို့  ကို လိုက်ကြည့်လိုက်သည်။ ထို့ နောက် ကိုညိုဒင် စွက်ကျယ်စုတ်ဟောင်းကို လိုသလောက်ဖြဲကာ လိမ်ကျစ်၍ ပေါက်နေသော လှေစပ်ကြောင်းထဲ ဓားမဦးဖျားဖြင့် ဖွဖွ ရွရွ ထိုးသွင်း လိုက်၏။ 

နှယ်ထားသည့် ပွဲ့ လျက်ကို တစ်ဖဲ့ တစ်ဖဲ့ ယူကာ စပ်ကြောင်းများမှာ ဖာထေးသည်။ လှေရေလုံလောက် ပြီဆိုမှ ရေနံချေး သုတ်ရန် ရွှေဘ ကို အော်ခေါ်လိုက်၏။ ရွှေဘ ကိုတင်ငွေ့ သားအကြီးကောင် အိပ်သည့် နွားစာ တင်းကုတ်မှ အပြေး ဆင်းလာသည်။ “ရေနံချေး ရွှဲရွှဲလေး သုတ်ကွာ ရွှေဘ၊ လှေနံတွေလည်း တစ်ခါထဲ သုတ် ၊ နေနည်းနေပြီ၊ ဒါပြီးမှ ငါးတန်း ချရမှာ”။

 ရွှေဘ စွတ်ကျယ်စုတ် ပိုင်းကို ရေနံချေးပုံးထဲ နှစ်လိုက် လှေ ကို ခတ် သွက်သွက် သုတ်လိုက်နှင့် ခန အတွင်း မှာပင် လှေတစ်စင်းလုံး ရေနံချေး သုတ်ပြီးသွားသည်။ “တင်ငွေရေ၊ တင်ငွေ တစ်ဆိတ် လာစမ်းပါအုန်းဟ၊ လှေ ရေချ ချင်လို့ ”။ ကိုတင်ငွေတို့  သားအဖ နှစ်ယောက်နှင့် ကိုညိုဒင် တို့  သားအဖနှစ်ယောက် ကျွန်းသား ကိုးတောင်လှေ ကလေးကို မြစ်ရေထဲ အသာအယာ မ ချ လိုက်ကြသည်။ 

ကိုညိုဒင် ပစ္စည်းပစ္စယလေးများ သိမ်းဆည်းနေစဉ် ရွှေဘ က လှေကပ်များ၊ ငါးတန်းကြိုး၊ ငါးစာပုံး၊ လှော် တက် စသည်တို့ ကို လှေဝမ်း ထဲတွင် နေသား တစ်ကျ ခင်းထားလိုက်သည်။ ကုန်းပေါ်ပြန် တက်ရင်းမှ “မင်း ပြန်ခါနီး အိမ်တစ်ချက် ၀င်ခဲ့အုန်း၊ ချဉ်ပေါင်လေး၊ ပဲသီးလေး ယူသွား”။ ကိုတင်ငွေ အော်ပြောသည်ကို ခေါင်း ငြိမ့်ပြလိုက်ရင်း ချောင်းဝစပ်မှ ကျောက်ဆောင်ကွေ့ မြစ်ရေငြိမ်သည့်ရေပြင်ဆီ လှေကို လှော်ထွက်လာ ခဲ့သည်။

×   ×   ×   ×   ×   ×   ×

တိုက်သစ် ဘုန်းကြီးကျောင်းမှ အုန်းမောင်းခေါက်သံက ကိုညိုဒင် တို့ မိသားစုလေးကို ပုတ်နှိုးလိုက် သည်။ ကိုညိုဒင် အိပ်ရာမှ ထလာပြီး ထမင်းစားပွဲလေးပေါ်ရှိ ရေနံဆီ မီးခွက်လေးကို မီးညှိ လိုက်သည့်အခါ အိမ်ကလေးထဲတွင် ၀ါကျင့်ကျင့် မီးရောင်လေးက လူးလွန့် နေ၏။

 နောက်ဖေး စည်ပိုင်းပြတ် ရှိရာမှ ရေလောင်းသံကြားလိုက်ရသည်။ ရွှေဘမျက်နှာသစ်နေပုံရ၏။ အိမ်မှုန်စုံမွှားနှင့် ခြင်ထောင်ကြိုးဖြုတ်ရင်း “ဓာတ်မီး က ဘုရားစင်ပေါ်မှာနော် ကိုညိုဒင်” ဟု  မလုံး ကိုညိုဒင် ကို လှမ်းပြောသည်။ ကိုညိုဒင် မျက်နှာကို ရေတစ်ချက်နှစ်ချက် ရိုက်၍ မီးသွေးခဲဖြင့် သွားတိုက်လိုက်သည်။ ပုဆိုးစဖြင့် ရေသုတ်လိုက်ပြီး “သား ရွှေဘရေ၊ သွားကြရအောင်”။

လမ်း ဓာတ်မီးတိုင်များက မီးမပေးသည်မှာ နှစ်နဲ့ ချီကြာလာပြီဖြစ်၍ လက်နှိပ်ဓာတ်မီး ကိုပဲ အားကိုးရ သည်။ ရှေ့ က မီးထိုး သွားနေရင်း လက်နှိပ် ဓာတ်မီးရောင်က မှိန်ဖျော့ဖျော့သာ လင်းနေ၏။ ဓာတ်ခဲ ၀ယ်ဖို့  မေ့နေလိုက်တာဟု ကိုညိုဒင် စဉ်းစားမိသည်။ လှေဆိပ်ရောက်တော့ ကိုတင့်ငွေသား ကို အသံပြုကာ လှေပေါ် သားအဖနှစ်ယောက် တက်လိုက်ကြသည်။ 

ကိုညိုဒင် က လှေဦးမှာ ထိုင်၍ ရွှေဘ က ပဲ့ကိုင်လှော်ခတ်လာသည်။ လှော်တက်မကြီးနှင့် ရွှေဘ အရွယ်က မမျှ။ သို့ ပေမယ့် ရွှေဘ မနိုင် တနိုင်ဖြင့်ပင် လှေကို ကောင်းကောင်း ထိန်းနိုင်လှော်နိုင်နေပြီလေ။ မြစ်ထဲက လှိုင်းရိုက်ခတ်သံလေးများကို ဟိုအဝေး သည်အနားမှ ကြက်တွန်သံတို့  က ကြိုးကြားရံခါ ဖုံးလွှမ်းနေစေသည်။ ကိုညိုဒင် ငါးကြိုးတန်းမှ ချိတ်ထောင်ထားသော ငါးမျှားချိတ်လေးများမှ ငြိတွယ်နေသော ငါးတို့ကို အသာအယာ ဆွဲယူရင်း ငြိနေသည့်ငါးများကိုဖြုတ်၍ လှေဝမ်းထဲသို့ ပစ်ပစ်ထည့် လိုက်သည်။ 

သည်နေ့ သိပ်မဆိုးလှဟု ကိုညိုဒင် ငါးမျှားတန်းကြိုးများကို ဖြုတ်ရင်း ရသည့်ငါးများကို ခန့်မှန်း တွက်ချက်ကြည့် မိသည်။ ငါးဘတ် အကောင် လတ်လတ်တွေပါတော့ စုစုရရ ၂ ပိသာခွဲ ၃ပိသာလောက်တော့ ရှိနိုင်သည်ဟု စိတ်က အောက်မေ့ရင်း ပင်မ ငါးတန်းကြိုးကို လက်တောင်ဖြင့် ရစ်၍ ရစ်၍ ဖြုတ်လိုက် သည်။ 

အရုဏ် ကျင်း ပြီ။ အလင်းရောင်ပြူစပြုပြီ။ ရွှေဘ လှေကို ခပ်သွက်သွက် ချောင်းဝ ကမ်းဘက် လှော်ခတ် လာခဲ့သည်။ ချောင်းဝ ရောက်တော့ အမှောင်ပြယ် အလင်းဝင်ရောက်စ။ “ရွှေဘ သား။ အဖေ တင်ငွေ့ တို့  အိမ်မှာ အိမ်သာသွား တက်လိုက်အုန်းမယ်။ မင်း ငါးတွေ ဘာလီချိုင့်ကြီး နှစ်ချိုင့်ထဲ ခွဲထည့်ထား၊ ပေးစမ်းကွာ၊ အဖေ့ လွယ်အိပ်။” လွယ်အိတ် ထဲမှ ဆေးပေါ့လိပ်နှင့် မီးခြစ် ကို ကသုတ် ကယက် ဆွဲထုတ်ယူပြီး ကိုညိုဒင် ကိုတင်ငွေ တို့ အိမ်ဘက် အပြေးတက်သွား၏။

လှေဝမ်းထဲတွင် လှုပ်ခါ လူးလိမ့် တိုးဝှေ့ ခုန်ရမ်းနေသည့် အကောင် လတ်လတ် ငါးဘတ်ကြီးများနှင့် ငါးမြွေထိုးကြီးများကို ဘာလီချိုင့်ကြီး တစ်လုံးတွင် ရွှေဘ ကောက်ထည့်လိုက်သည်။  နောက် ချိုင့်တစ်လုံးထဲသို့  ငါးဇင်ရိုင်း အကောင်လတ်များနှင့် ငါးပြေမ များကို ဖြေးဖြေးချင်း ကောက်ထည့်လိုက်၏။ လှေဝမ်း ရေစပ်စပ် ထဲတွင် ငါးပြေမ သုံးကောင်သာ ခုန်လိုက် ပျံလိုက် လူးလိုက် လိမ့်လိုက် ကျန်နေသည်ကို တွေ့ ရသည်။ 

လှုပ်ခါ ခုန်ရမ်းနေသည့် ငါးပြေမ သုံးကောင်ကို ကောက်မထည့်မီ ရွှေဘ တွေတွေငေးငေးကြည့်လိုက်မိ သည်။ တစ်လောက ဆရာကြီး ဦးခိုင် သင်ကြားပြသပေးသည့် ငါးသုံးကောင် အကြောင်းကို နှုတ်က ရွတ်ဆိုမိသလိုဖြစ် သွား၏။ ဆရာကြီး ရေးပြခိုင်း၍လည်း ကောင်းကောင်း ရေးပြနိုင်ခဲ့သည်။ ဆရာကြီးကို သူ အ လွတ် ရွတ်ဆို ပြခဲ့သည့်အတိုင်း တိုးတိုး ဖွဖွ ရေရွတ်ကြည့်နေမိသည်။

“တနေ့ သ၌ ရေတံငါ တစ်ဦးသည် မြစ်ထဲ၌ ပိုက်ကွန်ဖြင့် ငါးဖမ်းရာ သူ၏ ပိုက်ကွန်၌ ငါးသုံးကောင် ငြိတွယ်ဖမ်းဆီးရမိ၏။ ထို ငါးသုံးကောင်ကို လှေဝမ်းထဲတွင် အရှင်လတ်လတ် ပစ်ထည့်ထားလိုက်၏။ ငါးအရှင် သုံးကောင်မှာ ရေစပ်စပ်လှေဝမ်းထဲတွင် ခုန်လိုက် ပျံလိုက် ရမ်းခါ တိုးဝှေလိုက်နှင့် လှေစုန်မျောရာ အတိုင်း ပါလာသည်။ 

ထို ငါးသုံးကောင်ထဲမှ တစ်ကောင်သော ငါးသည် ဤသို့  တွေးတောစဉ်းစား၏။ ကံဆိုးလို့  တံငါ လက်မှာ အဖမ်း ခံရပြီး အသက်သေရတော့မယ်။ ငါ့ကံပေါ့ ဆိုပြီး ကံကို ရိုးမယ်ဖွဲ့ ကာ လှေဝမ်းထောင့်မှာ မလှုပ် မရှား၊ မခုန် မပျံတော့ပဲ ခွေပြီးနေလိုက်တော့သည်တဲ့။

 နောက် ငါးတစ်ကောင် ကတော့ ယခုလို စဉ်းစားပြန်၏။ ကံဆိုးလို့ တံငါ လက်ထဲကို ရောက်သော်ငြား ငါ့မှာ ဉာဏ် ရှိ၏။ ငါ့ ဉာဏ်ပညာ ကို အသုံးချပြီး တံငါ လက်က လွတ်အောင် ငါ ရုန်းထွက်ရမည်ဟု့ စိတ်ပိုင်းဖြတ် ပြီး လှေဝမ်းထဲကနေ မြစ်ထဲရေထဲရောက်အောင် တစွေ့ စွေ့  ခုန်ခုန်ပြီး ကြိုးစားနေပေသည်။ လှေဝမ်းမှာ မြင့်သဖြင့် အလွယ်တစ်ကူ လွတ်အောင် မခုန်နိုင်ပဲရှိရာ နားလိုက်၊ အသက်ရှူလိုက်၊ အမောဖြေလိုက်ဖြင့် လွတ်မြောက်ရေးကို ကြိုးပမ်းနေရှာသည်။

 နေမြင့်လာ၍ နေပူရှိန် ကလည်း မီးရှိန်သဖွယ် ပူးပြင်းလာ၏။ တံငါသည်မှာ ကွန်ရုတ်တိုင်း ငါး မပါသည် ချည်း ဖြစ်နေ၍ ဒေါသလည်း တစ်ဖြင်းဖြင်း ထွက်နေသည်။ ၀မ်းဗိုက် ကလည်း ဆာလောင်မှုကြောင့်  တစ်ကျုတ် ကျုတ် အော်မြည် တောက် လောင်နေပြန်သည်။ လှေဝမ်းထဲမှ ဂဏာ မငြိမ် ခုန်ပျံ လှုပ်ရှားနေသောငါးကို ကြည့် ကာ ဒေါသ ပိုထွက်လာ ပြန်သည်။ သို့ နှင့် လှော်တက်ဖြင့် ငါး၏ခေါင်းကို သေချာ ချိန်ရွယ်၍ ရိုက်ချ လိုက်၏။ 

ငါးသည် ဦးခေါင်းကွဲကာ သေပွဲ ၀င်ရှာရသည်။ ကျန် ငါးတကောင်ကမူ သွေးစက် လက်ဖြင့် သေပွဲဝင် သွားသော ငါးနှင့် လှေဝမ်းထဲတွင် သေချိန့်စောင့်နေသော ငါးတို့ ကို ကြည့်၍ ပိုင်းခြားဝေဖန် သုံးသပ် စဉ်းစားနေ၏။ ကံဆိုးမိုးမှောင်ကျ၍ တံငါသည် မုဆိုးလက်တွင်း သက်ဆင်းရသည်။ ဉာဏ်ပညာ အမြှော်အမြင် ရှိသော် လည်း လုံ့လ၀ီရိယ တို့ကို အချည်းနှီး ဖြုန်းတီး၍ သေလွန်ရသည်။ သို့အတွက် ငါအသို့ ကြံဆောင်သင့်သနည်းဟု မေးခွန်းထုတ်ရင်း လှေဝမ်းထဲ၌ ငြိမ်ဆိတ်ကာ အကြံထုတ်နေလေသည်။ 

တံငါသည် ကွန်ပစ်တိုင်း လှေသည် လူးခါသွား၏။  လှေနံသည် ကွန်ပစ်သည့်ဘက်သို့ စောင်းရွဲ့ သွား၏။ လှေနံနှင့် ရေပြင်သည် ထိလုခမန်း ညီမျှသွား၏။ ထိုချင်းရာများကိုကြည့်၍ သုံးကောင်မြောက် ငါးသည် အခွင့်အရေး ကို ကြံစည် အားထုတ်ကာ ချောင်းမြောင်းနေလေ သည်။ 

ထိုအခိုက် တံငါသည်သည်လည်း ပုခုံးပေါ် ထမ်းတင်ထားသည့် ပိုက်ကွန်ကို ဆကာမြှောက်ကာ မြစ်တွင်းသို့ ပစ်ချ လိုက်လေသည်။ ထိုရော အခါ လှေသည်စောင်း၍သွား၏။ လှေနံသည် ရေမျက်နှာပြင်နှင့် ကြမ်းတပြေးညီ ဖြစ်သွား၏။ ငါးသည် ရှိသမျှ ခွန်အားကို သုံး၍ မြစ်ထဲသို့ ခုန်ပျံ ဆင်းသက်လိုက်ရာ တံငါ လက်မှ လွတ်မြောက် သွားလေတော့သည်။ တံငါသည်သည် ငါးလွတ် သွား၍ ဒေသ ပိုထွက်သွားကာ လှေဝမ်း၌ ခွေကပ်နေသော ငါးကိုပါ လှော်တက်ဖြင့် ရိုက်သတ်လိုက်ပြန်လေသည်။”

ထိုစာ ဆရာကြီးကို ဖတ်ရွတ်ပြစဉ်က ဆရာကြီး ဆုံးမပြောကြားလိုက်သည့် စကားကို ရွှေဘ ထပ်မံ ကြားယောင် မိ ပြန်သည်။  “အဲဒါပဲ၊ မောင်ရွှေဘ၊ လူ ဆိုတာ ကံ ဥာဏ် ၀ီရိယ ကို မျှတအောင် ဆင်ခြင် အသုံးပြုနိုင်ရမယ်ကွ။ ကံကိုချည်း ယိုးမယ်ဖွဲ့  ပုံချလို့ မရသလို၊ ဥာဏ် ရှိတိုင်းလည်း ၀ိရိ.ယ စိုက်ထုတ်နိုင်မှ အောင်မြင်မှုပန်းတိုင်ကို ရောက်နိုင်တယ် ဆိုတာ ငါ့တပည့် သေအောင်မှတ်ပေတော့။”

မောင်လွမ်းဏီ

http://www.maukkha.org/index.php/book-store/short-stories/370-2010-07-13-04-19-35