နိုင်ငံပိုင် ဂြိုဟ်တုကို ကန်ဒေါ်လာ သန်း ၁၅၀ ကျော် အကုန်ကျခံ လွှင့်တင်မည်

အမေရိကန် အခြေစိုက် ဂြိုဟ်တု ဆက်သွယ်ရေး ကုမ္ပဏီ Intelsat နှင့် ပူးပေါင်း၍ Myan-mar Sat ဂြိုဟ်တုကို ကန်ဒေါ်လာ ၁၅၅ ဒသမ ၇ သန်း အသုံးပြု၍ လွှင့်တင်မည်ဟု ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင် က ပြောကြားသည်။

၁၅ နှစ် သက်တမ်းရှိသည့် Myanmar Sat ဂြိုဟ်တု အတွက် ကန်ဒေါ်လာ ၁၅၅ ဒသမ ၇ သန်း ရင်းနှီးမြှုပ်နှံပြီး ရှစ်နှစ်ကြာ ကာလ ၌ အရင်းကျေမည်ဟု ခန့်မှန်းထား ကြောင်း၊ Intelsat နှင့် မပူးပေါင်း ဘဲ ကိုယ်ပိုင်လွှင့်တင်ပါက ကန် ဒေါ်လာ သန်း ၅၀၀ အထိ ကုန်ကျ နိုင်ကြောင်း ဦးသန့်စင်မောင် က ပြောသည်။

Intelsat ကုမ္ပဏီနှင့် မြန်မာ နိုင်ငံအကြား ဆွေးနွေးမှု အရ ၂၀၁၉ ဇွန်လ တွင် လွှင့်တင်မည့် ဂြိုဟ်တု၌ မြန်မာနိုင်ငံ သည် Transponder အနေဖြင့် C-Band ၁၂ ခုနှင့် KU-Band ၁၂ ခု ပိုင်ဆိုင်မည်ဖြစ်သည်။ 

‘‘၀န် ကြီးဌာနတွေ၊ ကုမ္ပဏီတွေ အနေ နဲ့ ဂြိုဟ်တု ကို ဈေးပေါပေါ နဲ့ သုံး လာနိုင်တော့မှာပါ’’ဟု ဂြိုဟ်တု ဆက်သွယ်ရေး အင်ဂျင်နီယာချုပ် ဦးဝင်းအောင် ကပြောသည်။

‘‘ခုနစ်နှစ်လောက် အခမဲ့ သုံးရမယ် ဆိုတော့ ဒီနည်းလမ်းကို စဉ်းစားတာပါ။ ဒါပေမဲ့ ပိုက်ဆံချေတဲ့ နည်းလမ်းကျတော့ လုံးခနဲ မပေးနိုင်ဘူးလေ။ ညှိရဦးမှာပေါ့။ ဘတ်ဂျက် အခြေအနေ ကလည်း ရှိသေးတယ်။ သုံးချင် တိုင်း သုံးလို့မရဘူး’’ဟု ဦးသန့် စင်မောင် ကပြောသည်။

မြန်မာ အမည်ဖြင့် အသစ် လွှင့်တင်မည့် ကိုယ်ပိုင် ဂြိုဟ်တု၏ ဆက်သွယ်ရေး စနစ်ကို ပို့ဆောင် ရေးနှင့်ဆက်သွယ်ရေးက အများ ပြည်သူသို့ ပြန်လည် ရောင်းချရန် စီစဉ်ထားပြီး ဂြိုဟ်တု လွှင့်တင်ရာ ၌ ရင်းနှီးမြှုပ်နှံမှုထည့်ဝင်ရေးနှင့် ပြန်လည်ရောင်းချနိုင်ရေး မြန်မာ နိုင်ငံပိုင် ဂြိုဟ်တု တည်ထောင်ရေး လုပ်ငန်းကော်မတီကို ဇန်န၀ါရီ အတွင်း ဖွဲ့စည်းခဲ့သည်။



လက်ရှိတွင် မြန်မာနိုင်ငံ သည် ကိုယ်ပိုင်ဂြိုဟ်တု မရှိသေး ၍ Intelsat ၏ လွှင့်တင်ပြီးသား ဂြိုဟ်တုမှ KU Transponder သုံးခုနှင့် C Transponder ခုနစ်ခု တို့ကို ၂၀၁၆ မေလက ငါးနှစ် သက်တမ်းဖြင့် ငှားရမ်း  အသုံးပြုခဲ့ သည်။

မြန်မာ အစိုးရသည် ငှား ရမ်း ထားသည့် ဂြိုဟ်တု ဆက် သွယ်ရေးကို ၀န်ကြီးဌာန များနှင့် ကုမ္ပဏီ များအား 1MHz ပမာဏကို ငါးနှစ် စာချုပ်ဖြင့် အသုံးပြုပါက တစ်လလျှင် ဒေါ်လာ ၁,၂၀၀၊ သုံးနှစ် စာချုပ်ဖြင့် အသုံးပြုပါက ဒေါ်လာ ၁,၃၀၀၊ တစ်နှစ် စာချုပ်ဖြင့် အသုံးပြုလိုပါက ဒေါ်လာ ၁,၅၀၀ ဖြင့် ပြန်လည် ငှားရမ်းခြင်းဖြစ် သည်။

အစိုးရ အနေဖြင့် ဂြိုဟ်တု ၀န်ဆောင်မှုကို 1MHz ပမာဏ အတွက် ၉၅၀ ဒေါ်လာဖြင့် ငှားရမ်းပေးခြင်း ဖြစ်သော် လည်း ကုမ္ပဏီများက ဒေါ်လာ ၁,၂၅၀ ခန့်ဖြင့် ပြန်လည် ငှားရမ်းနေ ကြောင်း ဦးသန့်စင်မောင် ကပြော သည်။

မြန်မာနိုင်ငံသည် ဂြိုဟ်တု နှင့် ပတ်သက်၍ Vina Sat (ဗီယက် နမ်)၊ Asia Sat (ဟောင်ကောင်)၊ Intelsat (အမေရိကန်)နှင့် Thaicom (ထိုင်း) တို့မှ ရယူ အသုံးပြုနေခဲ့သော်လည်း Intel-sat က ဂြိုဟ်တု ဆက် သွယ်ရေး ငှားရမ်း ခဲ့သည့်နောက် အဆိုပါဂြိုဟ်တု တစ်ခုတည်း ပြောင်းလဲ အသုံးပြုလာခဲ့သည်။


7 Day News
...............................................................

ဒါပေမည့် နည်းပညာ အားကောင်းတဲ့နိုင်ငံတွေ ကတော့သူတို့နိုင်ငံရဲ့ အထက် အာကာသမှာ တစ်ခြားနိုင်ငံ နဲ့ပူးတွဲဂြိုလ်တု လွှတ်တင်လေ့မရှိပါဘူး။

ဘာဖြစ်လို့လည်း ဆိုရင်သူတို့နိုင်ငံရဲ့အမျိုးသား လုံခြုံရေး အချက်အလက် အားလုံးကိုပြိုင်ဖက်နိုင်ငံတွေ အကုန်ရသွားမှာစိုးလို့ပါပဲ။

မြန်မာကတော့ နည်းပညာ မရှိလို့လုံခြုံရေးနောက်ထားပြီး အမေရိကန်ကို မျက်စိမှိတ် အကူအညီတောင်း လိုက်တဲ့သဘောဖြစ်ပါတယ်။


Moe Kyaw (or) Sit Thwe (2-7-2017) #မြန်မာ့စစ်သွေး