အစာအိမ် အနာဖြစ်စေသော အဓိက အကြောင်းအရင်းများ

အစာအိမ် အနာလို့ပြောလိုက်တာနဲ့ လူတိုင်းက အပူအစပ် နဲ့ စိတ် ဖိစီးမှုတွေကြောင့်လို့ပဲထင်ကြပါတယ်။ အမှန်တော့ ကျွနု်ပ်တို့ရဲ့ အစာအိမ် နဲ့ အူလမ်းကြောင်းထဲမှာ ဘက်တီးရီးယား ပိုးတွေ ဝင်ရောက် လာခြင်းကြောင့် ဖြစ်ပါတယ် လို့ စမ်းသပ်ချက်တွေအရ တွေ့ရှိခဲ့ရပါတယ်။

နံပါတ် 1 အဖြစ်အများဆုံး အကြောင်းအရင်း - H.pylori

အစာအိမ် အနာဖြစ်စေတဲ့ နံပါတ် 1 အကြောင်းအရင်း ကတော့ H.pylori ဆိုတဲ့ ဘက်တီးရီးယားပိုး တစ်မျိုးကြောင့်ဖြစ်ပြီး လူ 4 ယောက်မှာ 3 ယောက်နီးပါး ကူးစက်ခံနေရပါတယ်။ ကမ္ဘာ့ ကျန်းမာရေးအဖွဲ့ ရဲ့စစ်တမ်းအရ H.pylori က အစာအိမ် အနာဖြစ်ရတဲ့ 80% - 90% လောက်ရဲ့အကြောင်းအရင်း တစ်ခုဖြစ်တဲ့အပြင် အစာအိမ် ကင်ဆာ 50% နဲ့ လည်း သက်ဆိုင်နေပါတယ်။

အစာအိမ် အနာမဖြစ်အောင် အစာအိမ် ကိုယ်တိုင်က သဘာဝ အတိုင်း ကာကွယ်နိုင်စွမ်းရှိပါတယ်။ အစာအိမ် အတွင်းနံရံမှာ ရှိတဲ့ အချွဲမြှေးပါးလေးက အစာအိမ် နံရံကို အက်ဆစ်တွေ တိုက်စားမှုမှ ကာကွယ်ပေးထားပါတယ်။ ဒီ အစာအိမ်ထဲမှာ ရှိတဲ့ အက်ဆစ်တွေက အကာအကွယ် မရှိရင် ခန္ဓာကိုယ် တစ်သျှူးတွေကို ပြင်းထန်စွာ အန္တရာယ်ပေးနိုင်သလို တစ်ချိန်တည်းမှာပဲ အစာချေ လုပ်ငန်းအတွက် မရှိမဖြစ်အရေးပါ, ပါ တယ်။

အစာအိမ်ကို အကာကွယ်ပေးတဲ့ အချွဲလွှာနဲ့ အက်ဆစ်တွေက ဘက်ညီနေရမယ်။ ဒီလို ဘက်ညီမှုပျက်စီးသွားပြီ ဆိုရင် အနာဖြစ်လာစေပါတယ်။ H.pylori က urease ဆိုတဲ့ ဓာတ်တစ်မျိုး ထုတ်ပေးပြီး ဒီဓာတ် က အက်ဆစ်တွေကို ဓာတ်ပျယ်စေပြီး အက်ဆစ် မရှိတဲ့နေရာမှာ ဘက်တီးရီးယားပိုးတွေ ရှင်သန်လာစေပါ တယ်။

ဒုတိယ အဖြစ်များဆုံး အကြောင်းအရင်း - အကိုက်အခဲပျောက်ဆေးများ

ဒုတိယ အဖြစ် အများဆုံးအကြောင်းအရင်း ကတော့ NSAID လို့ခေါ်တဲ့ အကိုက်အခဲပျောက်ဆေးတွေပါပဲ။ Aspirin, ibuprofen ပါဝင်တဲ့ အကိုက်အခဲပျောက်ဆေးတွေက အစာအိမ်ကို ကာကွယ်ပေးနေတဲ့ အချွဲတွေ ထွက်တာကို ပိတ်လိုက်တဲ့ အတွက် အစာအိမ် နံရံကို အက်ဆစ်တွေနဲ့ အစာခြေရည်တွေရဲ့ တိုက်စားခြင်း ကို ပိုပြီး ခံရစေပါတယ်။ ဒီအခါမှာ အစာအိမ် အတွင်းနံရံနဲ့ အက်ဆစ်တွေထဲကို H.pylori ကထိုးဖောက်ဝင်ရောက်လာပါတယ်။



တစ်ခါတစ်လေမှာ အစာအိမ်ဆေးတွေက အက်ဆစ်တွေကို တားရမယ့်အစား အက်ဆစ်တွေ အများကြီးပိုထွက်စေတဲ့ အတွက် အစာအိမ် အတွင်းဘက်ညီမှုတွေကို ပျက်စီးစေပြီး အနာဖြစ်ဖို့ (သို့) နာတာရှည် ရင်ပူစေဖို့ အတွက် အခွင့်အလမ်းပိုများစေပါတယ်။

ဒါကြောင့် အစာအိမ် အနာမဖြစ်စေဖို့အတွက် အကိုက်အခဲပျောက်ဆေးတွေကို လိုအပ်မှသာသောက်ပါ ။ မဖြစ် မနေသောက်ရမယ်ဆိုရင် အစာစားပြီးမှသောက်ပါ။

အခြား အကြောင်းအရင်းများ

H.pylori တွေ၊ အကိုက်အခဲပျောက်ဆေးတွေလောက် မဆိုးပေမယ့် အစာအိမ် အနာဖြစ်စေဖို့ အားပေးတဲ့အခြားအကြောင်းအရင်း အချို့လည်းရှိပါတယ်။ အဲဒါတွေ ကတော့ -

အစာ အစား မမှန်ခြင်း - အားလုံး သိနေကြတဲ့ အစာအိမ် အနာဖြစ်စေတဲ့ အချက်တွေကို လိုက်နာကျင့်သုံးမယ်ဆိုရင် အစာအိမ် အနာမဖြစ်အောင် ကာကွယ်နိုင်ပါတယ်။

ဆေးလိပ်သောက်ခြင်း - ဆေးလိပ်သောက်ခြင်းက အစာအိမ် အနာဖြစ်စေဖို့ သေချာတဲ့ အချက် တစ်ချက်ဖြစ် ပါတယ်။

အရက်သောက်ခြင်း - အရက် တစ်မျိုးတည်းကြောင့်တော့ အစာအိမ် အနာမဖြစ်ပေမယ့် H.pylori၊ အကိုက်အခဲပျောက်ဆေးတွေနဲ့ အတူဆို ပိုဖြစ်စေနိုင်ပါတယ်။

စိတ်ဖိစီးမှု - ဆေးလိပ်သောက်ခြင်းလိုပဲ စိတ်ပိုင်း ဆိုင်ရာ၊ ရုပ်ပိုင်းဆိုင်ရာ ဖိစီးမှုတွေက အနာကျက်နှေးစေပါတယ်။ စိတ်ပိုင်းဆိုင်ရာ ဖိစီးမှုတွေကတော့ အစာအိမ် အနာဖြစ်နိုင်ချေများစေပါတယ်။

ကဖင်းဓာတ် - ကဖင်းဓာတ်က အစာအိမ်ထဲရှိ အက်ဆစ် ပမာဏနဲ့ပြင်းအားကို များလာစေပြီး အစာအိမ် အနာရှိသူတွေမှာ ဆိုရင် အနာ ပိုဆိုးစေပါတယ်။ အက်ဆစ်များများ ထွက်ရတဲ့ အကြောင်းအရင်း ကတော့ ကဖင်းဓာတ် တစ်မျိုးတည်းကြောင့်တော့လည်း မဟုတ်ပါဘူး။ ဘက်တီးရီးယားပိုး၊ ဆေးလိပ်(သို့) အရက် စတဲ့အချက်တွေနဲ့ ပေါင်းပြီးဖြစ်ပါတယ်။

အက်ဆစ်နှင့် pepsin - အက်ဆစ် နဲ့ pepsin ဓာတ် များလွန်းရင်လည်း အစာအိမ် နံရံကို တိုက်စားပြီး အနာဖြစ်စေနိုင်ပါတယ်။ အများအားဖြင့်တော့ အကြောင်းအရင်း တစ်ခုခုကြောင့် အစာအိမ် နံရံကိုအားနည်းသွားစေပြီး ဒီအခါမှာ ပုံမှန် အက်ဆစ် ပမာဏကတောင် နံရံကို တိုက်စားပြီး အနာဖြစ်စေပါတယ်။ အက် ဆစ် များလွန်းရင်တော့ ရင်ဘတ် ကို အက်ဆစ်တွေပြန်ကန် ထွက်ပြီး ရင်ပူစေပါတယ်။

မိသားစုရောဂါ ရာဇဝင် - မိသားစု နဲ့ အမျိုးအရင်းတွေ ထဲမှာ အူသိမ်မှာ အနာပေါက်ဖူးတာမျိုး ရှိတယ်ဆိုရင် အဲဒီလို အနာမျိုးဖြစ်နိုင်ချေများပါတယ်။

ဘာအကြောင်းကြောင့်ပဲ အနာဖြစ်ဖြစ် အစာအိမ် အနာကို သေချာကုသမှု ခံယူဖို့ အရေးကြီးပါတယ်။

အစာအိမ် အနာဖြစ်လာပြီ ဆိုရင်တော့ မိမိနဲ့ ကိုက်ညီတဲ့ ကုသမှု ခံယူရပါမယ်။ ကုထုံးတွေကို ရွေးချယ် တဲ့နေရာမှာ ဆုံးဖြတ်ချက် ချနိုင်ဖို့အတွက် စာတွေများများ ဖတ်ပြီး သိထားဖို့လိုပါတယ်။

 ဖြစ်နေတဲ့ရောဂါ လက္ခဏာတွေ ကို ကုသတာထက် ဖြစ်ရတဲ့ နောက်ခံ အကြောင်းအရင်းကို ရှာဖွေ ကုသ ရပါမယ်။

Dr. Mya Myo Myo Swe

DrMyanmar

Shwe Man