လောကမှာ မိမိ အတွက် နေရာ တစ်နေရာတော့ ရှိပါတယ်
လောကမှာ မိမိ အတွက် နေရာ တစ်နေရာတော့ ရှိပါတယ် ။ လူတိုင်း အတွက်တော့ မိမိ က အရေးပါ အရာရောက်တဲ့လူတော့ မဖြစ်နိုင်ပါဘူး ။ တစ်ချို့နေရာမှာ မိမိ က လူပို ဖြစ်နေတတ်ပေမယ့် ၊ တစ်ချို့ နေရာတွေမှာတော့ မရှိ မဖြစ်လိုအပ်တဲ့ လူ ဖြစ်နေတတ်ပါတယ် ။
လူမှန် နေရာမှန် မရောက်တဲ့ အချိန်မှာ ခဏတော့ စိတ်ထဲ ဝမ်းနည်း သလို ၊ အရေး မပါ အရာ မရောက်တဲ့ လူ အဖြစ် ခံစားရတတ်ပါတယ် ။ ထိုသို့ တစ်ယောက်တည်း စိတ်ထဲ ဝမ်းနည်းလာတာမျိုး ကို ကြိတ်ပြီး မခံ စားပါနဲ့ ။ တစ်ခြား အရာတစ်ခုခု ကို စိတ်ပြောင်းသွားအောင် ပြုလုပ်ပေးပါ ။
သူငယ်ချင်းတွေနဲ့ အတူတူ အပြင် ထွက်လည် လိုက်တာမျိုး ဖြစ်ဖြစ် ပြုလုပ်ပေးပါ ။ ရုပ်ရှင်ကား အသစ် ကို ကြည့် လိုက်ပြီး စိတ်ပြောင်း လိုက်တာမျိုး ၊ အစာ ထွက်စားပေးတာမျိုး လုပ်ပေးပါ ။
ခရီးထွက်ပေး ခြင်း ကလည်း စိတ်ကို ကုသ ပေးနိုင်တဲ့ နည်းကောင်း တစ်ခု ပါပဲ ။ မိမိအားလပ်ရက် ပေါ် မူတည်ပြီး ခရီးကို ထွက်ပေးပါ ။ အချိန် သိပ်မရှိရင် နေ့ချင်းပြန် သွားနိုင်တဲ့ နေရာတွေကို သွားရောက် ပေးနိုင်ပါတယ် ။ မရောက်ဖူးတဲ့ နေရာ အသစ်တွေကနေ အတွေ့အကြုံ အသစ်တွေ ၊ အစား အစာ ၊ ယဉ်ကျေးမှုတွေကို လေ့လာပေးပါ ။
မိမိ အကူ အညီ လိုအပ်နေတဲ့ သူတစ်ယောက် ယောက် ကို ကူညီပေးပါ ။ သူတစ်ပါး ကို ကူညီ လိုက်င်္ပြိး ရလာတဲ့ ပီတိက ဘယ်အရာနဲ့ မှ မယဉ်နိုင်ပါဘူး ။ ပီတိကို စား အားရှိ ဆိုတဲ့ စကား အတိုင်း မိမိ ရဲ့ အပြု အမူကြောင့် တစ်ခြားသူ အဆင်ပြေ သွားတာကို မြင်ရတဲ့ အချိန်ခဏ က မိမိစိတ်ထဲ အေးချမ်းစေမှာ သေချာပါတယ် ။
သန့်ရှင်းရေး တစ်ခုခု လုပ်လိုက်ပါ ။ အိမ်တွင်း သန့်ရှင်းရေး ၊ အိမ်ပြင် သန့်ရှင်းရေး လုပ်ပေးပါ ။ မိမိကြောင့် ရှုပ်ပွ ညစ်ပတ်နေတဲ့ နေရာတစ်ခု သန့်ရှင်းသွားတာကို မြင်ရရင် မိမိစိတ်ထဲ ခံစားနေရတာတွေ က အနည်းနဲ့ အများတော့ ပျောက်သွားမှာပါ ။
မိမိကိုယ် မိမိ ခါတိုင်းထက် ပို ဂရုစိုက်ပေးပါ ။ အချိန်မှန် အိပ်ပေး ပါ ။ အစား ပုံမှန်စားပါ ။ တစ်ကိုယ်ရည် လိုအပ်တာတွေကို ပိုပြီး ဖြည့်ဆည်းပေးပါ ။ ဈေးဝယ် ထွက်ပေးခြင်း ၊ မိမိ ဝါသနာ ပါတာ တစ်ခုခု ကို လုပ်ဖို့ အချိန်ပေးခြင်းများ ကို ပြုလုပ်ပေးပါ ။
ဝမ်းနည်းခြင်း ဆိုတာကို ခံစားရတဲ့ အချိန်မှာ ကျန်းမာရေး ကို အထူး သတိပြုပေးပါ ။ စိတ်ညစ်တယ် ဆိုပြီး နေချင် သလို နေလိုက်တာက နေထိုင် မကောင်း ကို အလွယ်တကူ ဖြစ်စေပါတယ် ။ စိတ်မပျော် တဲ့ အချိန် နေမကောင်း ဖြစ်ရင် တစ်ပူ ပေါ် နှစ်ပူဆင့် ဖြစ်မှာပါ ။
Ref:ayesay
Comments
Post a Comment