မကြေးမုံ အသုံးဝင်ပုံ အကြောင်း ပြောပြမယ်
ကြည့်မှန်လေး တစ်ချပ် ချိတ်ဆွဲ ထားရုံဖြင့် ဘယ်လို က်ိစ္စတွေမှာ အဆင်ပြေချောမွေ့စေသလဲ ?
ကြည့်မှန် ကို ယတြာ အနေနဲ့ ဘယ်လို ဓာတ်ဆင်ကြမလဲ?
အိမ်တွေ ဆိုင်တွေ မှာ ဘယ်လိုနေရာတွေ မှာ ချိတ်ဆွဲ ထားသင့်လဲ?
စတဲ့ မှန်တစ်ချပ် ရဲ့အသုံး ဝင်ပုံတွေ ဒီနေရာမှာပြောပြမှာပါ။
ကြည့်မှန်ကြောင့် အဆင်ပြေသွားတဲ့ ကိစ္စတော်တော်များများ ရှိနေကြပါတယ်။
ဆန်းဗေဒင် မှာ မိမိ အိမ်ထက်ခြေရင်းအိမ် က အရမ်းမြင့်နေရင် ခြေရင်းအိမ် က မိန်းမ ဦးစီးတဲ့ အိမ်ပဲ လို့ပြောနိုင် သလို.................
မိမိ အိမ် က အရမ်းသေးနေပြီး ခေါင်းရင်းအိမ် ခြေရင်းအိမ် က အရမ်း မြင့်နေရင် မိမိအိမ် လဲ အညံ့ထဲမှာ ရှိ ပါတယ်။ အောက်လက် ငယ်သားတွေ ကျန်းမာရေး စီးပွားရေး ညံ့တတ်တာမျိုးကြုံရ တတ်ပါတယ် ။
နောက်ပြီး မျက်နှာချင်းဆိုင် အိမ် က အရမ်းမြင့်ပြီး ခေါင်းမိုးဒိုင်း အချွန် က မိမိ အိမ်နဲ့ တည့်တည့် ကျရင် မိမိ အိမ် ကံညံ့ တတ်ပါတယ်။ ဒါတွေ က မြန်မာ ဆန်းဗေဒင် မှာရော တရုတ် ဖုန်းရွှေပညာမှာ ပါရှိတဲ့ အကြောင်း အရာတွေပါ။
အဲဒီလို နေအိမ် ၏ မျက်နှာချင်းဆိုင် မှာသော်လည်းကောင်း ၊ခြေရင်း ခေါင်းရင်းတွင် လည်းကောင်း စက်ရုံ အလုပ်ရုံ နေအိမ်ထက် ပိုမြင့်သော တိုက်၊ အိမ် တစ်ခုခု ရှိနေပါက သင့်အိမ် ၏ ပြတင်းပေါက်တွင် ကြည့်မှန် တစ်ချပ် ကို တပ်ထားလိုက်ခြင်း အားဖြင့် ကံ အညံ့တွေပြယ်ပြီး မိမိ တို့လုပ်ကိုင်သမျှ အကြံအစည် များ အား လုံးအောင်မြင်စေနိုင်ပါသည်။
ထိုမှန် ကို မကွဲစေရန် ဂရုစိုက်သင့် ပါတယ်။ မတော်တဆ ကွဲသွားပါက ချက်ခြင်း အသစ် လဲလိုက်ပေါ့ဗျာ ။ မှန် ကို ခြေရင်း အိမ် ၊ခေါင်းရင်း အိမ်၊ မျက်နှာချင်းဆိုင် အိမ်တွေဘက် လှည့်ရ မှာနော်။ ပြောင်းပြန်လဲဖြစ်နေ ဦးမယ်။
နောက်ပြီး မိမိ ရဲ့ အိပ်ယာ၊ ခုတင် ရဲ့ အပေါ် တည့်တည့် မှာ ထုတ်တန်းတွေ ရှိရင် သရဲစီး သလို ဘီလူးစီး သလို ခံစားရတတ် ပါတယ်။ကျန်းမာရေး ရှုထောင့်ကနေကြည့်ရင်တော့ ကျန်းမာရေး အားနည်း မှုကြောင့်သော် လည်ကောင်း အိပ်တာ နည်းစနစ် မမှန်တာလဲဖြစ်နိုင်ပါတယ်။ ဘာပဲဖြစ်ဖြစ် အဲလိုမျိုး ကြုံလာပြီ ဆိုရင် ထို ထုပ်တန်းတွင် မှန်တစ်ချပ် ချိတ်ဆွဲထားလိုက်ပါ။
********************************
ကိုယ့် အလုပ်မှာ ရှိတဲ့ မိမိ ရဲ့ အလုပ်စားပွဲ အပေါ်တည့်တည့် မျက်နှာကြက်တွင် ထုပ်တန်း တစ်ခု ရှိပါက အလုပ် ၀န်ပိခြင်း ၊ မနိုင်ဝန် ထမ်းရခြင်း ၊စိတ်ပန်း လူပန်းဖြစ်ရခြင်း စသော ၀န်ပိခြင်း အမျိုးမျိုးကြုံရ တတ် ပါတယ်။
အဲလိုမျိုးကြုံရပြီ ဆိုရင် မိမိ အလုပ် စားပွဲလေးကို အနည်းငယ်ရွေ့ထားလိုက်စေချင်ပါတယ်။
*********************************
အချို့ အိမ်တွေ မှာ ရှေ့ကနေ လင်မယားနှစ်ယောက်စလုံး စီးပွားရှာနေကြတဲ့ အတွက် မီးဖိုချောင် ကိစ္စတွေ အိမ်မှု ကိစ္စတွေ အတွက် အိမ်အကူ ဆိုတာမျိုးခေါ်ထားရတာတွေ ရှိပါတယ်။ အဲဒီမှာ ဘာတွေ့ရသလဲ ဆိုရင် အိမ်အကူ မမြဲတာ လူလိမ်တွေနဲ့တွေ့တာ မိသားစုလို သဘော ထားပြီးလုပ်ပေးတဲ့ အိမ်အကူတွေ အကြောင်း အမျိုးမျိုးကြောင့် အလုပ်က ထွက်တာမျိုး ကြုံရမျိုးတွေရှိပါတယ်။
အဲဒါ ဆိုရင်တော့ မီးဖိုဆောင်တွေ ထမင်း စားစားပွဲဘေးတွေ မှာ ကြည့်မှန် ချပ် ကြီးကြီး တပ်ဆင် ထားခြင်းဖြင့် အိမ် အကူ မြဲခြင်း အစားအသောက်ပေါများခြင်းများဖြစ်ပေါ်လာပါလိမ့်မယ်။
*********************************
ဈေးဆိုင် ထမင်းဆိုင် ကုန်စုံဆိုင် လက်ဖက်ရည်ဆိုင် ဘယ်ဆိုင်တွေမှာ မဆို ထိုဆိုင် ရဲ့ ငွေသိမ်းကောင်တာ တွင် ကြည့်မှန် ကြီး တစ်ချပ် ချိတ်ထားခြင်းဖြင့် စီးပွားတတ်ခြင်း ၀င်ငွေနှစ်ဆ တိုးပွားခြင်းတွေဖြစ်ပေါ် လာတော့ တာပါပဲ။
*********************************
ဘော်ဒါဆောင်တွေ၊ ကိုယ်ပိုင် အထက်တန်းကျောင်းတွေ ၊ကျူရှင်တွေ မူကြိုကျောင်းတွေ မှာ ကျောင်းသား နည်းနေတယ် ဆိုရင်တော့ Canteen လိုနေရာမျိုး မှာ ကြည့်မှန်ကြီးကြီး တစ်ချပ် ချိတ်ဆွဲထားခြင်းဖြင့် ကျောင်း သား ဦးရေ တိုးပွားလာပါလိမ့်မယ်။
ဝန်ထမ်းများများ ရှိတဲ့ ကုမ္ပဏီတွေ အလုပ်ရုံတွေ ဝပ်ရှော့တွေ စက်ရုံတွေ ဝန်ထမ်း မမြဲတာ မျိုးကြုံရပြီ ဆို ရင်တော့ dinning room လိုနေရာမျိုး မှာ မှန်တစ်ချပ် ချိတ်ဆွဲ ထားလိုက်ပါဗျ။ ဝန်ထမ်းမြဲလာပါလိမ့်မယ်။
*********************************
မိမိတို့နေသော အိမ်ဟာ လှေဦးတိုက် လှည်းဦးတိုက် ဟုခေါ်သော T ပုံစံ လမ်းထိပ် တည့်တည့်တွင် ရှိနေ ခဲ့ပါက ကြည့်မှန် တစ်ချပ် ကို ၀င်ပေါက် ထိပ်တွင် တပ်ဆင်ထားခြင်း ဒါမှ မဟုတ်လမ်းဆုံထိပ် မှာရေချမ်း စင်လေး တည်ပေးထားခြင်းဖြင့် ကံကြမ္မာ အညံ့ အဆိုးတွေမှ လွတ်ကင်းစေပါလိမ့်မယ်ဗျ။
ဒီလောက် ဆိုရင်တော့ မှန်တစ်ချပ် နဲ့ ဓာတ်ဆင်ပုံ ဆင်နည်းတွေ ကို သိလောက်ပြီထင်ပါတယ်ဗျ။ ။
အားလုံး သာယာချမ်းမြေ့တဲ့ ဘဝကို ပိုင်ဆိုင်နိုင်ကြပါစေ........
Credit: ငြိမ်းအေးလူ
ဗေဒင်ဝါသနာအိုး
https://www.facebook.com/baydinwartanaroh/posts/1096938230336880:0
Comments
Post a Comment